سينوپتيكتەر 23-25 قىركۇيەك كۇندەرى اۋا-رايىندا قانداي وزگەرىستەر بولاتىنىن ايتتى، - دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساي وتىرىپ. سينوپتيكتەر الداعى دەمالىس كۇندەرى كۇن سۋىتىپ جانە جاڭبىر جاۋاتىنىن ەسكەرتەدى.

قازاقستانعا كارسك تەڭىزى اۋماعىنان سۋىق جانە ىلعالدى اۋا اعىنى كەلەدى، سول سەبەپتى دەمالىس كۇندەرى كۇن سۋىتادى جانە جاڭبىر جاۋادى، سولتۇستىك، ورتالىق جانە شىعىس اۋدانداردا جاڭبىردىڭ سوڭى قارعا ۇلاسۋى مۇمكىن. 

وڭتۇستىك شىعىستا جەكسەنبى جانە دۇيسەنبى كۇندەرى جاڭبىر، تاۋلى ايماقتاردا قار ارالاس جاڭبىر جاۋىپ، اۋا تەمپەراتۋراسى تومەندەيدى. كەي جەرلەردە ۇسىك ءجۇرۋى ىقتيمال. 

"باتىس وبلىستاردا دا كۇن سۋىتا باستايدى. دەمالىس كۇندەرى جاڭبىر جاۋىپ، اۋا تەمپەراتۋراسى تومەندەيدى. وسى كۇندەرى ەڭ جوعارى اۋا تەمپەراتۋراسى +30+36 بولسا، سەنبى كۇنى +15+20، وڭتۇستىك باتىستا +23+28 بولادى. تەرريتوريانىڭ وزگە اۋماقتارىندا اۋا تەمپەراتۋراسى كليماتتىق مولشەردەن 2-6 گرادۋسقا تومەن بولۋى مۇمكىن"، — دەپ حابارلايدى قازگيدرومەت.