تايلاندتىڭ وڭتۇستىگىندە جويقىن جارىلىس بولىپ، ءتورت ادام قازا تاپتى. تاعى التاۋى جارالانعان. بۇل تۋرالى Qamshy.kz اقپارات اگەنتتىگى شەتەلدىك باق-قا سىلتەمە جاساپ حابارلايدى. جارىلعىش تاس جولعا جاسىرىلىپ، ايماقتاعى ءتارتىپتى باقىلاپ جۇرگەن اسكەريلەر ءوتىپ بارا جاتقان كەزدە ىسكە قوسىلعان. الايدا قاسكويلىك ارەكەتتەن تەك جاۋىنگەرلەر عانا ەمەس، بەيبىت تۇرعىندار دا وپات بولدى. ازىرگە شابۋىلدى ەشقانداي لاڭكەستىك توپ موينىنا العان جوق.
تايلاند اسكەرى ونى جەرگىلىكتى بۇلىكشىلەر ۇيىمداستىردى دەپ كۇدىكتەنىپ وتىر. ايتا كەتەيىك، تايلاندتىڭ وڭتۇستىگىندەگى يالا، پاتتاني جانە نارتحيۆات پروۆينسياسىنىڭ حالقى ەلدەن ءبولىنىپ، ەگەمەندىك الۋدى كوزدەيدى. سوندىقتان مۇنداعى بۇلىكشىلەر ۇكىمەت جاساعىمەن ۇنەمى قاقتىعىسىپ، ولارعا قارسى قاستاندىقتار جاساۋدان تانعان ەمەس.
