پاكىستان مەن ءۇندىستان اراسىنداعى داۋلى شەكارادا اتىس بولىپ، التى ادام وققا ۇشتى. تاعى 30-ى جاراقات العان. قارۋلى قاقتىعىس كەزىندە زارداپ شەككەندەردىڭ دەنى پاكىستاندىق ەكەن. اسكەريلەردىڭ مالىمەتىنشە، مارقۇمداردىڭ التاۋى دا جانە جارالانعانداردىڭ 26-سى وسى ەلدىڭ ازاماتى، دەپ حابارلايدى Qamshy.kz اقپارات اگەنتتىگى شەتەلدىك ب ا ق مالىمەتىنە سۇيەنىپ.
قوس تاراپ تا اتىسقا ءبىرىن ءبىرى ايىپتاپ وتىر. ۇنەمى بىتپەيتىن شەكاراداعى شيەلەنىسكە بايلانىستى پاكىستان پرەمەر-مينيسترى حالىقارالىق ۇيىمداردى ءىستىڭ اق-قاراسىن ايىرۋ ءۇشىن زەرتتەۋ جۇرگىزۋگە شاقىردى. ول مۇنداي مالىمدەمەنى بىرىككەن ۇلتتار ۇيىمىنىڭ باس اسسامبلەياسىندا جاسادى.
