قازگيدرومەت تاياۋ كۇندەرى ەلىمىزدىڭ ءبىرقاتار وڭىرىندە اۋا تەمپەراتۋراسىنىڭ كۇرت سۋىتاتىنى جونىندە ەسكەرتۋ جاريالادى، دەپ حابارلايدى Qamshy.kz اقپارات اگەنتتىگى.

24  قىركۇيەكتە الماتى وبلىسىندا جاۋىن-شاشىن، تاۋلى اۋدانداردا قاتتى جاۋىن-شاشىن (ارتى قارعا ۇلاسادى) كۇتىلەدى، جەل 15-20 م/س كۇشەيەدى، 24-26  قىركۇيەكتە تۇندە تەمپەراتۋرا 3-8 گرادۋس جىلى، كەي جەرلەردە 3 گرادۋسقا دەيىن سۋىتادى. 24-25 قىركۇيەكتە  جامبىل وبلىسىندا جەل 15-20، ەكپىنى 23 م/س، تۇندە تەمپەراتۋرا   3-8 گرادۋس جىلى، كەي جەرلەردە 3 گرادۋس ۇسىككە دەيىن، كۇندىز 15-20، كەي جەرلەردە 12 گرادۋسقا تومەندەيدى.

24 قىركۇيەكتە شىعىس قازاقستان وبلىسىندا جاۋىن-شاشىن تۇسەدى (ارتى قارعا ۇلاسادى)، تۇمان، جەل 15-20 م/س-گە جەتەدى، اۋا تەمپەراتۋراسى تۇندە 1-6 سۋىتىپ، كۇندىز 5-10 جىلى بولادى دەپ كۇتىلۋدە.