2016-2019 جىلدارعا ارنالعان «دەنساۋلىق» مەملەكەتتىك باعدارلاماسىندا مەملەكەتتىك-جەكە مەنشىك ارىپتەستىك جانە اقپاراتتىق-كوممۋنيكاسيالىق تەحنولوگيالار نەگىزىندە دەنساۋلىق ساقتاۋ سالاسىنىڭ ينفراقۇرىلىمىن دامىتۋ ماسەلەسى كوتەرىلگەن بولاتىن. وبلىستىق دەنساۋلىق ساقتاۋ سالاسىندا باسەكەلەستىكتى دامىتۋ ءۇشىن دەنساۋلىق ساقتاۋ نىساندارىن جەكەشەلەندىرۋ شەڭبەرىندە ءبىرقاتار شارالار جۇزەگە اسۋدا. ايتا كەتسەك، شجق «№4 قالالىق ەمحانا» مكك-نى ساتىپ الۋ قۇقىعىنسىز سەنىمگەرلىك باسقارۋعا، شجق «وبلىستىق كەڭەسشى-دياگنوستيكالىق ورتالىق» مكك-نى ساتىپ الۋ قۇقىعىمەن سەنىمگەرلىك باسقارۋعا بەرۋ جانە شجق «وبلىستىق ستوماتولوگيالىق بالالار ەمحاناسى» مكك-نى جەكەشەلەندىرۋ جۇمىستارى جۇرگىزىلۋدە. ال وبلىستا دارى-دارمەكپەن قامتاماسىز ەتۋ ماسەلەسى بويىنشا فارماسيەۆتيكالىق قىزمەتپەن اينالىسۋ قۇقىعىنا يە 470 ءدارىحانالىق ۇيىم اينالىسۋدا. ولاردىڭ 126-سى مەملەكەتتىك، 344ء-ى جەكە مەنشىك ءدارىحانا جەلىلەرى. سونداي-اق وڭىردە 28 مەملەكەتتىك اۋرۋحانا بولسا، ەكەۋى جەكە مەنشىك («مەديسينالىق ورتالىق» ج ش س، «تالاپ» اق) قۇقىعىنا يە اۋرۋحانا قىزمەت اتقارادى. وڭىردەگى دەنساۋلىق ساقتاۋ باسقارماسى حالىق دەنساۋلىعىن ساقتاۋدىڭ نەگىزى رەتىندە قوعامدىق دەنساۋلىق ساقتاۋدى دامىتۋ، مەديسينالىق قىزمەتتىڭ ساپاسىن قامتاماسىز ەتۋ، ىنتىماقتاستىقتى ەنگىزۋ جانە جۇيەنىڭ قارجىلىق تۇراقتىلىعىن قامتاماسىز ەتۋ ءۇشىن جانە دەنساۋلىق ساقتاۋ سالاسىنداعى ادامي رەسۋرستاردى باسقارۋدىڭ تيىمدىلىگىن ارتتىرۋ بويىنشا جۇيەلى جۇمىستار جۇرگىزىپ كەلەدى. مەديسينالىق قىزمەتتەر ساپاسىن قامتاماسىز ەتۋ ءۇشىن بارلىق مەديسينالىق ۇيىمداردا پاسيەنتتى قولداۋ جانە ىشكى باقىلاۋ قىزمەتتەرى قۇرىلعان. تۇرعىندارعا مەديسينالىق كومەكتىڭ قولجەتىمدىلىگىن قامتاماسىز ەتۋ ماقساتىندا قالانىڭ التى ەمحاناسىندا جانە «دەركول» دارىگەرلىك امبۋلاتورياسىندا ەلەكتروندىق كەزەك جۇيەسى ەنگىزىلگەن. اتالمىش جۇيە مەديسينالىق ۇيىم ىشىندە مەديسينالىق قىزمەتتەردى الۋعا پاسيەنتتەردىڭ جولدانۋىن رەتتەيدى. بۇل جۇيە الداعى ۋاقىتتا ءبورلى، اقجايىق، زەلەنوۆ اۋداندىق ورتالىقتاندىرىلعان اۋرۋحاناسىنا ەنگىزۋ جوسپارلانىپ وتىر.
گۇلىم اقاپ،
باتىس قازاقستان وبلىسى
پىكىر قالدىرۋ