ديماش قۇدايبەرگەنوۆتىڭ اكەسى قانات ايتبايەۆ ءوز ۇلىنا قاتىستى جالعان اقپارات جاريالاعانداردى جاۋاپقا تارتپاق، - دەپ حابارلايدى Qamshy.kz اقپارات اگەنتتىگى. بۇل تۋرالى ول ءوزىنىڭ فەيسبۋك پاراقشاسىندا ايتقان بولاتىن.
«قازاقستان رەسپۋبليكاسىنىڭ باس پروكۋرورىنىڭ نازارىنا! ق ر باس پروكۋراتۋراسى
اقپارات قۇرالدارىن پايدالانا وتىرىپ، ماقساتتى تۇردە جالعان اقپارات تاراتىپ وتىرعان تومەندەگى سايتتى جانە الەۋمەتتىك جەلىدەگى توپتى ق ر قك 274 ستاتياسىنا سايكەس جاۋاپقا تارتۋدى سۇرايمىن! جاعا ۇستاتتى توبى، "جۇرت نە دەمەيدى" توبى»، - دەپ جازعان قاناتايتبايەۆ ءوزىنىڭ فەيسبۋك پاراقشاسىنا.
ەسكە سالا كەتەتىن بولساق، وسىدان ءبىراز ۋاقىت بۇرىن الەۋمەتتىك جەلى ارقىلى ديماش قۇدايبەرگەنوۆ جۇڭگو قىزىنا ۇيلەنەدى دەگەن جالعان اقپارات تارالعان بولاتىن.
