مەملەكەت باسشىسىنا قوردىڭ بيىلعى 8 ايدا اتقارعان جۇمىسى مەن ىسكە اسىرعان جوبالارى، سونداي-اق ونى ودان ءارى دامىتۋ جوسپارى جونىندە ەسەپ بەرىلدى، دەپ حابارلايدى Qamshy.kz اقپارات اگەنتتىگى.
"ءبىز بيىلدان باستاپ قوردىڭ جۇمىسىن ءبىرشاما وزگەرتتىك. «سيفرلىق قازاقستان» باعدارلاماسىنا سايكەس، «Smart Zholy» جانە «Method PRO» جوبالارى ازىرلەنىپ، ەنگىزىلدى. بۇكىل قازاقستان بويىنشا كومپيۋتەر باعدارلامالارىن جاساۋمەن اينالىسا باستاعان دارىندى جاستار مەن ولاردىڭ ونىمدەرىن تۇتىناتىن ەلىمىزدىڭ جانە شەتەلدىڭ ءىرى كومپانيالارىمەن ءوزارا بايلانىسىن ورناتۋ – وسى جوبالاردىڭ باستى ەرەكشىلىگى. قور ىت-تەحنولوگيالار سالاسىنداعى كاسىبي ماماندارعا الداعى ۋاقىتتا دا قولداۋ كورسەتۋدى جوسپارلاپ وتىر"، – دەدى قوردىڭ اتقارۋشى ديرەكتورى ق.جۇمابايەۆ.
بۇدان سوڭ نۇرسۇلتان نازاربايەۆقا قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى جانىنداعى الەمدىك ەكونوميكا جانە ساياسات ينستيتۋتىنىڭ جوبالارى مەن پەرسپەكتيۆالارى جونىندە مالىمدەلدى. اتاپ ايتقاندا، ونىڭ ديرەكتورى ە.سالتىبايەۆ ينستيتۋت قىزمەتىنىڭ باستى باعىتىنىڭ ءبىرى رەتىندە بۇكىل ەۋرازيا وڭىرىندەگى بىرەگەي ساراپتامالىق-تالداۋ ورنى – استانا كلۋبىن دامىتۋ جوسپارى تۋرالى باياندادى.
قازاقستان پرەزيدەنتى الەمدىك ەكونوميكا جانە ساياسات ينستيتۋتىن جۇيەلى تۇردە نىعايتۋ قاجەت ەكەنىن اتاپ ءوتتى.
"ينستيتۋت بۇگىنگى جاعدايمەن عانا شەكتەلىپ قالماۋعا ءتيىس. حالىقارالىق دەڭگەيگە شىعىپ، الەمنىڭ جەتەكشى عالىمدارىمەن كەزدەسۋلەردى جان-جاقتى جاريالاپ كورسەتۋ ارقىلى جۇرتشىلىققا تانىتۋ كەرەك"، – دەدى نۇرسۇلتان نازاربايەۆ.
مەملەكەت باسشىسى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى جۇمىسىنىڭ تۇجىرىمدامالىق نەگىزىنە ەرەكشە توقتالدى.
"ءبىز قوردىڭ باستى ماقساتىن ايقىن ۇستانۋىمىز كەرەك. ول – قازاقستاندى حالىقارالىق دەڭگەيدە ىلگەرىلەتۋ، ەلىمىزدىڭ ءيميدجىن جاقسارتۋ، دارىندى جاستارىمىزعا قولداۋ كورسەتۋ جانە ساراپشىلار قوعامداستىعىمەن ءوزارا ءتيىمدى ءىس-قيمىل ورناتۋ. سونداي-اق، يادرولىق قارۋدىڭ تارالۋىنا قارسى كۇرەس جۇرگىزۋ وسى قور جۇمىسىنىڭ ماڭىزدى باعىتى بولۋعا ءتيىس"، – دەدى قازاقستان پرەزيدەنتى.
ەلباسىمىز تاياۋدا جاريالاعان «بولاشاققا باعدار: رۋحاني جاڭعىرۋ» اتتى باعدارلامالىق سيپاتتاعى ماقالاسىندا «تۋعان جەر» باعدارلاماسىن قولعا الۋدى ۇسىندى.وندا مەملەكەت باسشىسى وتانسۇيگىشتىك سەزىمنىڭ كىندىك قانىڭ تامعان جەرىڭە، وسكەن اۋىلىڭا، قالاڭ مەن وڭىرىڭە، ياعني تۋعان جەرىڭە دەگەن سۇيىسپەنشىلىكتەن باستالاتىنىن ايتقان بولاتىن. بۇل جاي ءسوز ەمەس، ۇلكەن ءبىر ىسكە باستايتىن ۇندەۋ ىسپەتتى. سەبەبى ەلباسىمىز باعدارلاما اياسىندا باسقا ايماقتارعا كوشىپ كەتسە دە تۋعان جەرلەرىن ۇمىتپاي، وعان قامقورلىق جاساعىسى كەلگەن كاسىپكەرلەردى، شەنەۋنىكتەردى، زيالى قاۋىم وكىلدەرى مەن جاستاردى ۇيىمداسۋعا، تۋعان جەرگە قولداۋ جاساۋعا شاقىردى.كوكتەمدە كوتەرىلگەن ماسەلە كۇزدە ءوز جەمىسىن بەرىپ تە ۇلگەردى دەسە بولعانداي.
ماسەلەن، تاياۋدا الماتى قالاسىنىڭ ناۋرىزباي اۋدانىندا جاڭا ەمحانانىڭ تۇساۋى كەسىلدى. الماتىلىق ءىرى كاسىپكەر تاۆابير حايرۋللا ۇلى سالدىرعان بۇل ەمحانا قاراپايىم حالىقتىڭ يگىلىگىنە قىزمەت ەتۋى ءۇشىن قالا اكىمشىلىگىنىڭ قاراماعىنا بەرىلدى. «تۋعان جەر» باعدارلاماسىنىڭ اياسىندا جۇزەگە اسقان بۇل يگى باستامانى كورۋگە ەلباسىنىڭ ءوزى الماتىعا ارنايى ات باسىن بۇردى. جالپى، وسى ساپارىندا ەلباسى ناۋرىزباي اۋدانىنىڭ الەۋمەتتىك-مەديسينالىق حال-احۋالىمەن تانىستى. وسى تۇستا ايتا كەتۋىمىز كەرەك، قالا قۇرامىنا جاڭا ەنگەن تۇستا بۇل اۋداندا 92 مىڭ تۇرعىن بولاتىن. سوعان ءبىر اۋرۋحانا، ءبىر فەلدشەرلىك پۋنكت، ءبىر مەزگىلدە 200 ادام قابىلدايتىن ءتورت دارىگەرلىك امبۋلاتوريا، ون ءدارىحانا قىزمەت ەتتى.ال بۇگىندە اۋدان تۇرعىندارىنىڭ سانى كۇرت ءوسىپ، 157 مىڭعا جەتكەن.سوعان ساي مەديسينالىق مەكەمەلەر دە كەڭ قانات جايدى.
اتاپ ايتقاندا، ءقازىر ناۋرىزباي اۋدانىندا ەكى ءىرى قالالىق كلينيكالىق اۋرۋحانا، اۋىسىمىنا مىڭ ادام قابىلدايتىن ءتورت قالالىق ەمحانا، 58 ءدارىحانا بار. بۇرىن جالپى تاجىريبەلىك دارىگەرگە 3000 ادام جۇكتەلگەن بولسا، بۇگىندە جاڭادان ەمحانالار سالىنىپ، حالىققا قىزمەت ەتە باستاعان سوڭ، بۇل جۇكتەمە ەكى ەسەگە ازايدى. ارنايى ماماندار تاپشىلىعى دا جويىلىپ، تۇرعىندارعا قاجەتتى سكرينينگتىك ورتالىق، بالالار مەن ەرەسەكتەرگە ارنالعان رەابيليتاسيالىق ورتالىق، ايەلدەر كونسۋلتاسياسى، امبۋلاتورلى جانە كىشىينۆازيۆتى حيرۋرگيا، مامانداردىرىلعان مەديسينالىق كومەك بولىمدەرى اشىلدى. سونىمەن قاتار، ءبىرىڭعاي Call-ورتالىق، ەلەكتروندى كەزەك، ءموبيلدى قوسىمشا جۇمىس جاسايدى. اۋرۋحاناعا جاتقىزىلۋ كەزەگى 59 ناۋقاستان، بۇگىندە 12 ناۋقاسقا دەيىن ازايدى. انا ءولىمى تىركەلمەدى، بالا ءولىمى 7،2-دەن 3،2-گە دەيىن كەمىدى.مەديسينالىق مەكەمەلەردىڭ احۋالىن ەلباسىنا تانىستىرىپ جۇرگەن الماتى قالاسى دەنساۋلىق ساقتاۋ باسقارماسىنىڭ باسشىسى ءۋاليحان احمەتوۆ ەندى از ۋاقىتتان سوڭ «قالقامان» شاعىن اۋدانىندا تاعى ءبىر مەديسينالىق مەكەمەنىڭ اشىلاتىنىن، ال «تاۋ سامالى» شاعىن اۋدانىندا ەمحانانىڭ قۇرىلىسى باستالعانى جونىندە باياندادى. 2018 جىلى تۇساۋى كەسىلەدى دەپ جوسپارلانعان بۇل ەمحانا ءبىر اۋىسىمدا 500 ادامعا دەيىن قابىلدايدى.جانە اۋدان تۇرعىندارىن تۇگەل دەرلىك قامتيتىن جەدەل مەديسينالىق كومەك پودستانسياسى ىسكە قوسىلماق.
ءسوز باسىندا ايتقانىمىزداي، ەلباسىنىڭ ناۋرىزباي اۋدانىنىڭ دەنساۋلىق ساقتاۋ مەكەمەلەرىن ارالاۋعا تۇرتكى بولعان وسى اۋدانداعى تاياۋدا اشىلعان جاڭا ەمحانا ماسەلەسى. پرەزيدەنتىمىز ن.ءا.نازاربايەۆ ءوزىنىڭ «تۋعان جەر» باعدارلاماسىندا ايتىلعان ماسەلەنى بىردەن قولعا الىپ، قاراپايىم حالىققا ەڭ قاجەت دەگەن ەمحانا سالدىرىپ بەرگەن وسى ءوڭىردىڭ ءىرى كاسىپكەرى تاۆابير حايرۋللاۇلىنا جۇمىس ساپارى بارىسىندا، العىس ءبىلدىرۋدى ءجون كورگەن.
پىكىر قالدىرۋ