استانا قالاسىندا 27 قىركۇيەك كۇنى «ءتىل شەبەرى-2017» رەسپۋبليكالىق بايقاۋى وتەدى. قازاقستان رەسپۋبليكاسى مادەنيەت جانە سپورت مينيسترلىگى                 تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرماسىمەن «ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» اتالمىش بايقاۋدى قازاقستان حالقى تىلدەرىنىڭ ءحىح رەسپۋبليكالىق فەستيۆالى اياسىندا ۇيىمداستىرۋدا.

ءداستۇرلى بايقاۋ جاھاندىق وركەنيەت پەن ەلىمىزدىڭ دامۋ باعىتىنا ساي  ءۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن، جان-جاقتى ءبىلىمدى، سالاسىنىڭ كاسىبي مامانى تانىلعان مەملەكەتتىك قىزمەتشى جاستاردى  انىقتاپ، قولداۋ كورسەتۋ ماقساتىندا ۇيىمداستىرىلىپ كەلەدى. ءبىلىم مەن بىلىك بايگەسىنە 21-29 جاس ارالىعىنداعى ورتالىق اتقارۋشى ورگانداردا قىزمەت ەتەتىن مەملەكەتتىك قىزمەتشىلەر قاتىسادى.

بايقاۋ شارتىنا ساي قاتىسۋشىلار «تۇساۋكەسەر»، «ۇلتتانىم»، «ونەرتانىم» بولىمدەرى بويىنشا ب ا ق سىنايدى.  ولاردىڭ ءۇش ءتىلدى مەڭگەرۋ دەڭگەيى مەن تىلدىك نورمانى ساقتاۋى، ورفورگافيالىق جانە ورفوەفيالىق ساۋاتتىلىقتارى باعالانادى.

جەڭىمپازدى ارنايى قۇرالعان قازىلار القاسى انىقتايدى. جۇلدەگەرلەر «ءتىل شەبەرلەرى» ديپلومىمەن، العىسحاتتارمەن جانە  اقشالاي سىيلىقتارمەن ماراپاتتالادى.