قازاقپاراتتىڭ حابارلاۋىنشا، الماتى قالاسىندا جالعان سمارتفوندار جاساپ شىعاراتىن سەح تابىلدى. سەح «اەروۆوكزال» ساۋدا ورتالىعىنىڭ ماڭىنان تابىلعان. وندا جۇمىس جاسايتىن الاياقتاردى «iPhone» ماركالى تەلەفون قۇراستىرىپ وتىرعان ۋاقىتتا الماتى قالاسىنىڭ مەملەكەتتىك كىرىستەر دەپارتامەنتىنىڭ قىزمەتكەرلەرى تاپقان.

جەدەل ىزدەستىرۋ ناتيجەسىندە قازاقستاننىڭ وزگە ايماقتارىنان كەلگەن ازاماتتار مەن الماتىداعى ورتالىق ۋنيۆەرسال دۇكەنىنەن كەلگەن (سۋم) ساۋداگەرلەر ۇستالدى. تاركىلەۋ بارىسىندا 30 دانا «iPhone» تاركىلەندى. ساراپشىلاردىڭ ويىنشا بۇل تەلەفونداردى ءتۇپنۇسقادان اجىراتۋ وتە قيىن. ونىڭ سەبەبى بۇل تەلەفونداردى قۇراستىرۋ بارىسىندا «جەدەل جادى» مەن «ورتالىق پروسەسسوردىڭ» ءتۇپنۇسقاسى قولدانىلعان.  دەگەنمەن، گادجەتتىڭ باسقا قۇرالدارى ارزان باعادا ساتىلاتىن بولشەكتەردەن تۇرادى. بۇل قىلمىس  ق ر زاڭىنىڭ قك 222-بابىمەن (تاۋار بەلگىسىن زاڭسىز پايدالانۋ) جاۋاپقا تارتىلادى. تەرگەۋ امالدارى جۇرگىزىلگەننەن كەيىن ءىس سوتقا جولدانادى.