بريتاندىق پرانكەر سايمون برودكين بريتانيا پرەمەر-مينيسترى تەرەزا مەي مىنبەردە سويلەپ تۇرعان جەرىندە قولىنا جۇمىستان شىعارۋ تۋرالى P45 قۇجاتىن تاپسىردى دەپ حابارلايدى Qamshy.kz اقپارات اگەنتتىگى Telegraph-قا سىلتەمە جاساپ.

پرەمەر-مينيستر ۇلىبريتانيانىڭ كونسەرۆاتيۆتى پارتيا سەزىندە ءسوز سويلەگەن. سول ۋاقىتتا پرانكەر جۇمىستان شىعارۋ كەزىندە تولتىرىلاتىن P45 ۇلگىسىن ۇسىنعان.

«بوريس سىزگە مىنا قاعازدى بەرۋىمدى ءوتىندى» دەدى برودكين قاعازدى ۇستاتىپ جاتىپ.

«P45 ۇلگىسىن تەك ءبىر عانا ادامعا تابىستاعىم كەلەدى. ول دجەرەمي كوربين» دەپ جاۋاپ بەردى مەي.

بريتانيادا ءار قىزمەتكەر جۇمىستان شىعارىلعاندا P45 سالىق فورماسىن الادى. وندا قىزمەتكەردىڭ كىرىسى مەن تولەگەن سالىعى كورسەتىلەدى.

جۋرناليست پول برەند ءوزىنىڭ Twitter پاراقشاسىندا بريتاندىق پرەمەرگە تابىستاعان ۇلگىنى جاريالادى.

Telegraph-تا بەيتانىس ادامنىڭ پرەمەر-مينيسترگە وسىنشاما جاقىن كەلگەنىنە وتىرعانعاندار نارازىلىعىن بىلدىرگەنىن جازادى.

كەيىنىرەك برودكين Twitter-دە بريتاندىق ءسىم باسىشىنا ارنالعان جازبا قالدىرعان.

«سالەم، بوريس دجونسون. ءوزىڭ سۇراعانداي مەن تەرەزاعا P45 ۇلگىسىن تابىستادىم» دەپ جازدى ول.