7 قازاندا ساعات 12.00-دە الماتى قالاسى مەدەۋ اۋدانى اكىمىنىڭ اپپاراتى اباي اتىنداعى قازاق ۇلتتىق پەداگوگيكالىق ۋنيۆەرسيتەت الدىنداعى الاڭدا "بولاشاققا باعدار: رۋحاني جاڭعىرۋ" باعدارلاماسىنىڭ "تۋعان جەر" جوباسىن ىسكە اسىرۋ اياسىندا تولە بي كوشەسىنىڭ كۇنىن ءوتتى، دەپ حابارلايدى Qamshy.kz اقپارات اگەنتتىگى. 

شارانى وتكىزۋدەگى نەگىزگى ماقسات – قازاقستان رەسپۋبليكاسىنىڭ پرەزيدەنتى ن.ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن ۇلتتىق جاڭعىرۋ جولىنداعى ماقساتتار مەن مىندەتتەردى جۇزەگە اسىرۋ، اۋدان جاستارىن رۋحاني-ادامگەرشىلىك جانە پاتريوتتىق باعىتتا تاربيەلەۋ، ءاربىر تۇرعىنعا كوتەرىڭكى كوڭىل-كۇي سىيلاۋ، سونداي-اق كوشە تۇرعىندارى اراسىنداعى بىرلىكتى نىعايتۋ بولىپ تابىلادى.

مەرەكەلىك ءىس-شارا اياسىندا «بالالار كىتابىنىڭ الەمى»، «قالا كوشەلەرىمەن كورىكتى»، «بالالار الەمىنىڭ ەلشىسى»، «جاستار كىتاپ وقۋدى تاڭدايدى»، «تولە بي كوشەسىنىڭ تاريحي بەتتەرى»، «قول ونەر شەبەرلەرى بۇيىمدارىنىڭ كورمەسى» تاقىرىبىندا شاتىرلار جۇمىس ىستەپ، سونداي-اق كىتاپ كورمەلەرى، فوتو كورمەلەر، شەبەرلىك سىنىپتارى، تولە بي كوشەسىنىڭ تاريحىنىڭ كورمەسى، ۇلتتىق جانە حالىقتىق سپورت تۇرلەرىنەن سپورتتىق ويىندار ۇيىمداستىرىلدى. سونىمەن قوسا، مەرەكەلىك ءىس-شارا قوناقتارى اۋداندىق شىعارماشىلىق ۇجىمداردىڭ قاتىسۋىمەن مەرەكەلىك كونسەرت پەن ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «بازارىڭ تارقاماسىن» اتتى اتاقتى قوياندى جەرمەڭكەسىنە ارنالعان مۋزىكالىق درامانىڭ قويىلىمىن تاماشالادى.

شاراعا 1978-1985 جىلدارى الماتى وبلىستىق پارتيا كوميتەتىنىڭ حاتشىسى بولعان اۋحادييەۆ كەڭەس، ق ر حالىق ءارتىسى ءسابيت ورازبايەۆ، تەاتر ديرەكتورى ءسابيت ءابدىحالىقوۆ قاتىستى.

مەدەۋ اۋدانىنىڭ اكىمى ەرجان جىلقىبايەۆتىڭ ايتۋىنشا، جىل باسىنان بەرى  “بولاشاققا باعدار: رۋحاني جاڭعىرۋ” باعدارلاماسى اياسىندا 150-دەن استام شارا وتكىزىلگەن.

“بيىلعى جىلدان باستاپ ەلباسى نۇرسۇلتان ءابىش ۇلى نازاربايەۆتىڭ كورەگەن ساياساتىنىڭ ارقاسىندا قازاقستان جاھاندىق باسەكەگە قابىلەتتىلىككە قول جەتكىزۋگە باعىتتالعان ەلىمىزدىڭ ءۇشىنشى جاڭعىرۋىن ىسكە اسىرۋعا كىرىسكەنى بارشاڭىزعا بەلگىلى. جاڭعىرۋدىڭ جالعاسى ىسپەتتى «بولاشاققا باعدار: رۋحاني جاڭعىرۋ» ماقالاسى قولعا الىندى. وسى ورايدا، مەدەۋ اۋدانىندا مەملەكەت باسشىسىنىڭ “بولاشاققا باعدار: رۋحاني جاڭعىرۋ” باعدارلاماسىنىڭ “تۋعان جەر” جوباسىن ىسكە اسىرۋدىڭ اياسىندا ءتۇرلى ءىس-شارالار، ءىرى الەۋمەتتىك، مادەني جوبالار جۇزەگە اسىرىلىپ كەلەدى. جىل باسىنان بەرى 150-دەن استام شارا وتكىزىلىپ، 20 مىڭعا جۋىق ادام قامتىلدى. ماسەلەن، «اتامەكەن» جوباسى اياسىندا 125، «تاربيە جانە ءبىلىم» جوباسى بويىنشا 18، «رۋحاني قازىنا» جوباسى اياسىندا 15 جوبا ىسكە استى. ول، جاسالىپ جاتقان جاڭا اۋلالار، جوندەلىپ جاتقان جولدار، ساياباقتار، جاڭادان اشىلعان بالاباقشالار، سپورت الاڭدارى جانە ت.ب." – دەدى ەرجان جىلقىبايەۆ.

سونداي-اق، مەدەۋ اۋدانىنىڭ اكىمى ەرجان جىلقىبايەۆ بۇگىنگى شارانىڭ ماقساتى – ءاربىر تۇرعىنعا كوتەرىڭكى كوڭىل-كۇي سىيلاۋ ەكەندىگىن ايتىپ ءوتتى.

شارا اۋداندىق شىعارماشىلىق ۇجىمداردىڭ قاتىسۋىمەن مەرەكەلىك كونسەرت پەن ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ «بازارىڭ تارقاماسىن» اتتى اتاقتى قوياندى جەرمەڭكەسىنە ارنالعان مۋزىكالىق دراماسى قويىلىمىمەن اياقتالدى.