الماتىدا قالالىق ءماسليحاتتىڭ كەزەكتى ءماجىلىسى ءوتتى. جيىن بارىسىندا جەرگىلىكتى بيۋدجەت قارجىسىن قايتا ءبولۋ ەسەبىنەن قالالىق بيۋدجەت 9،3 ملرد تەڭگەگە تۇزەتىلدى، دەپ حابارلايدى Qamshy.kz اقپارات اگەنتتىگى.

بۇل قارجى 5 مىڭ جۇمىس ورنىن اشۋعا مۇمكىندىك بەرەدى.

اتالعان قارجى نەگىزىنەن جاستاردى جان-جاقتى قولداۋعا باعىتتالماق. 

2017 جىلى   قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ تاپسىرماسىمەن  «جاستار جىلى» دەپ جاريالانعان بولاتىن.

وسىعان بايلانىستى جاستاردى قولجەتىمدى تۇرعىن ۇيمەن قامتاماسىز ەتۋگە  1،8 ملرد تەڭگە ءبولىندى.

«بۇل ماسەلەنى شەشۋ ءۇشىن «تۇرعىن ءۇي قۇرىلىس جيناق بانكى» ارقىلى تۇرعىن ءۇي ساتىپ الۋعا جاستارعا جەڭىلدىكپەن نەسيە بەرۋ مەحانيزمىن قولدانۋ ۇسىنىلادى.  تۇرعىن ءۇي نەسيەسى جىلىنا 5%-بەن بەرىلەدى. وسى ماقساتتار ءۇشىن جەرگىلىكتى بيۋدجەتتەن 1 ملرد تەڭگە ءبولۋ جوسپارلانىپ وتىر. جەرگىلىكتى بيۋدجەتتەن 303،2 ملن تەڭگە قاراجات دەنساۋلىق ساقتاۋ سالاسىنا، جەدەل جاردەم شاقىرۋ سانىن كوبەيتۋگە، 3 دەنساۋلىق ساقتاۋ نىسانىن  سەيسميكالىق كۇشەيتۋ جانە ونكوورتالىق سالۋعا باعىتتالادى»، - دەدى  ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءىلياس وسەروۆ.

سونداي-اق،  ءىلياس وسەروۆ بيىلعى جىلى «بالاپان» مەملەكەتتىك تاپسىرىسى بويىنشا قارجىلاندىرۋدى 71 ملن تەڭگەگە ارتتىرۋدى جانە 3 بالاباقشا مەن 3 مەكتەپكە ينجەنەرلىك جەلىلەردى جۇرگىزۋدىڭ باستالعانىن، وعان 2،6 ملن تەڭگە بولىنگەنىن ايتتى. 

بۇدان وزگە 2017-2018 وقۋ  جىلى اياقتالعان سوڭ 10 ملن تەڭگەگە ەكى مەكتەپتە سەيسميكالىق كۇشەيتۋ جۇمىستارى  باستالادى.

قالانىڭ سپورتتىق الەۋەتىن دامىتۋ جانە قولداۋ ماقساتىندا ماۋسىمدىق مۇز ايدىنىن اشۋعا قوسىمشا قارجى ءبولۋ جوسپارلانۋدا.

اتالعان مۇز سىرعاناقتارى  قالا تۇرعىندارى ءۇشىن تەگىن قىزمەت كورسەتەتىن بولادى.

«قالاعا كەلۋشى جەكەمەنشىك تۋريستەرگە قولايلى جاعداي جاساۋ ماقساتىندا  قالانىڭ باستى كورىكتى جەرلەرىن ارالاۋ  ءۇشىن ەكسكۋرسيالىق تۋريستىك اۆتوبۋس ىسكە قوسىلادى، ول قالانىڭ نەگىزگى كورىكتى جەرلەرىن كورۋگە مۇمكىندىك بەرەدى»، - دەدى ي.ۋسەروۆ.

بۇدان وزگە، ءىىد ماتەريالدىق تەحنيكالىق بازاسىن نىعايتۋعا 10 ەۆاكۋاتور ساتىپ  الۋ، قالالىق سوت  عيماراتىن سالۋدى جالعاستىرۋعا، ءتيىمدى جۇمىسپەن قامتۋ جانە بۇقارالىق كاسىپكەرلىكتى دامىتۋ باعدارلاماسى شەڭبەرىندە شاعىن جانە ورتا كاسىپكەرلىك سۋبەكتىلەرىن نەسيەلەۋ اياسىندا 10 اۆتوكولىككە ارنالعان 2 ءورت ءسوندىرۋ ستانساسىنىڭ جوبالىق-سمەتالىق قۇجاتتامالاردى ازىرلەۋگە جۇمسالادى.

قوسىمشا قاراجات قالانىڭ  جول-كولىك ينفراقۇرىلىمىن سالۋ، يان-گەيل تۇجىرىمداماسىن ىسكە اسىرۋ اياسىندا كوشەلەردى جەتىلدىرۋ، سونداي-اق قالالىق ونكولوگيالىق ورتالىق  سالۋ ءۇشىن جۇمسالادى.

ق ر پرەزيدەنتىنىڭ «رۋحاني جاڭعىرۋ» ماقالاسىنىڭ شەڭبەرىندە حالىقتىڭ رۋحاني دامۋى مەن مادەني مۇراسىنا ەرەكشە  نازار اۋدارىلاتىن بولادى. 

2017 جىلى 47 ءۇيدىڭ ىرگە تاسىن قالاۋ باستالادى. سونىمەن بىرگە، «نۇرلى جەر» باعدارلاماسىنىڭ اياسىندا سايالى-2 ىقشاماۋدانى 6 تۇرعىن ءۇيدىڭ قۇرىلىسىنا بولىنەدى.

كولىك ينفراقۇرىلىمىن دامىتۋ ءۇشىن 976،2 ملن تەڭگە ءبولۋ جوسپارلانىپ وتىر. ونىڭ ىشىندە اباي داڭعىلىن ۇزارتۋدى باستاۋعا، فۋرمانوۆ كوشەسىن سوزۋدا  اۆتورلىق جانە تەحنيكالىق قاداعالاۋ جۇرگىزۋگە، الماتينسكيي  كوشەسىن قايتا جوندەۋگە، پانفيلوۆ كوشەسىندەگى 6 رەتتەلەتىن جاياۋ جۇرگىنشىلەر وتكەلىندەگى قوزعالىستى ۇيىمداستىرۋعا، سونداي-اق قوعامدىق كولىكتەگى جولاۋشىلارعا جەڭىلدىكتى جول ءجۇرۋ شىعىندارىن وتەۋگە باعىتتالادى.

اعىمداعى جىلى 442 ءۇي اۋلالارى  جوندەلۋدە. بۇل جۇمىستار كەلەسى جىلى دا   جالعاسادى، وسىعان بايلانىستى اۋلالاردى اباتتاندىرۋ بويىنشا جوبالىق-سمەتالىق قۇجاتتامانى ازىرلەۋگە 39،5 ملن تەڭگە بولىنەدى. ورتالىق مادەنيەت جانە دەمالىس ساياباعىنىڭ اعىمداعى جوندەۋىنە قوسىمشا 28 ملن تەڭگە بولىنەدى.

ەستەرىڭىزگە سالا كەتەيىك، بيىلعى جىلى جەرگىلىكتى دامۋ بيۋدجەتى 1،5 ەسەگە ارتىپ، 100 ملرد تەڭگەگە جەتتى. وسىلايشا،  تەك كورىكتەندىرۋگە   2،3 ەسە، جولدارعا - 1،7 ەسە، ينجەنەرلىك جۇيەلەرگە - وتكەن جىلمەن سالىستىرعاندا 1،3 ەسە ارتىق ءبولىندى.