بيىل ماگيستراتۋراعا گرانتقا ءتۇستىم. ءبىراق كۇن سايىن وزىمە ءوزىم سۇراق قويامىن: «وسى ماگيستراتۋرا نە بەرەدى ماعان؟». جاۋاپ جوق. ازىرگە سول باكالاۆردى قايتالاۋ، جالپى مەنىڭ تۇسىنىگىمدە ماگيستراتۋرا دەگەننىڭ ءوزى 4 جىلدىق باكالاۆردى 2 جىلدا قايتالاۋ. بولدى! كەي جاندار سول ماگيستراتۋرانى ون كۇندىك شەتەلگە بارۋ ءۇشىن وقىپ جاتىر، ولاردىڭ اراسىندا قىزدار كوپ. ال كەيبىرى مانساپ جولىندا ورلەۋ ءۇشىن ماگيسترلىك ديپلوم كەرەك دەيدى. ءار ادامنىڭ ماقساتى ءار ءتۇرلى. ول دا دۇرىس شىعار! ءبىراق ماعان ءبىر ۇنامايتىنى ماگيستراتۋرادا تۋرا باكالاۆردەگىدەي ساباق بەرۋ فورماسىنىڭ بولۋى.
سۋبەكتيۆتى كوزقاراستى ەسكەرمەۋ، سول باكالاۆردەگى ساباقتار، تەرەڭدىكتىڭ ازدىعى، شاكىرت پەن ۇستاز اراسىنداعى ديالوگتىڭ جەتىسپەۋشىلىگى. مىسالى جالپىعا ورتاق پسيحولوگيا دەگەن ءپان بار. ونى باكالاۆردە دە، ماگيستراتۋرادا دا وقيدى. باكالاۆردە وقىعان تۇيسىك، زەيىن، وي دەگەندەردى ماگيستراتۋرادا دا مالتا قۇرتشا ەزىپ وتىرمىز. ۇستازدارعا «ادام پسيحولوگياسىن قالاي انىقتاۋعا بولادى، توبىر ساناسىن بيلەۋ جانە ت.ب ۇيرەتىڭىز»، ― دەسەم، «باعدارلامادان اۋىتقۋعا بولمايدى»، ― دەيدى. «تۇيسىك پەن زەيىننىڭ ەرەجەسىن بىلگەننەن مەنىڭ ومىرىمە پايدا بار ما؟»، ― دەگەن سۇراقتى قويىپ كەلەم وزىمە. پايدا جوق قوي ناق! جالپى كوپ جەردە وسى.
دامىعان باتىس ەلدەرىندە ماگيستراتۋراعا ۇلكەن دايىندىقپەن بارادى. 30 جاستا، 35 جاستا. ولار شىنايى ءبىلىم الۋعا دەگەن نيەتپەن كەلەدى. جانە ساباق بەرۋ فورماسى دا كوپ جەردە ءار ستۋدەنتكە جەكە جوسپار بويىنشا. بىلۋىمشە مەملەكەت تە ءار ستۋدەنتكە ءبىلىم دەڭگەيىنە قاراماستان 300 مىڭ تاراتىپ جاتپاعان كورىنەدى. بىزگە ءبىراز وزگەرىس كەرەك سياقتى.
