مىنە ءبىز دە قاربالاس اپتانىڭ سوڭىنا كەلىپ جەتتىك، وسى اپتادا الەمدە بولعان باستى جاڭالىقتارمەن ءبولىسۋدى ءجون كورىپ وتىرمىز.
مىناداي ماڭىزدى بەس ءتۇرلى وقيعا ورىن العان بولاتىن:
- لاس-ۆەگاستاعى اتىس
- يران كەلىسىمى
- نەيت تروپيكالىق داۋىلى
- رەسەيدىڭ ترامپ سايلاۋىنا قاتىسى ءالى دە تەرگەلۋدە
- يسپانياداعى كاتالونيا رەفەرەندۋمى
لاس-ۆەگاس
ۇلتتىق قارۋ-جاراق ۇستاۋ جونىندەگى زاڭنىڭ سالدارىنان قازىرگى امەريكا تاريحىندا قانداي قايعىلى وقيعا بولۋى مۇمكىن ەكەندىگى كۇللى الەمگە ايگىلى بولدى.
اق ءۇي، دەموكراتتار جانە رەسپۋبليكالىقتار، ءتىپتى اقش ۇلتتىق اتقىشتار اسسوسياسياسى (NRA) زاڭداستىرىلعان قارۋ ۇستاۋ جونىندە قاراپ وتىرماي، شارالار جاساۋ كەرەك دەپ ءبىر اۋىزدان كەلىسىپ وتىر.
ءالى كۇنگە دەيىن مىڭداعان ادامدى جاراقاتتاپ، 58-گە جۋىعىنىڭ ءومىرىن قيعان ستەفەن پاددوكتىڭ كوزدەگەنى نە بولعاندىعى بەلگىسىز. ونىڭ ءقوناقۇي بولمەسىندەگى 23 قارۋدىڭ 12-سىندە ءورت شىعارۋ مۇمكىندىگى بولعان.
وسى وقيعادان سوڭ اقش-تىڭ ۇيرەنەرى كوپ، بىرىنشىدەن، ول تەك ادامدارعا عانا قارۋىن كوزدەگەن جوق، ول McCarran حالىقارالىق اۋەجايى ماڭىنداعى جانارماي تانكىن دە وتقا ورادى. وكىلەتتىلەردىڭ ايتۋىنشا، ول جەردە جارىلىس بولۋ ءقاۋپى مۇلدەم بولماعان، ءبىراق تانك جارىلدى. ەكىنشىدەن، ستەفەن پاددوك ەسىمدى بىرەۋ تامىز ايىندا چيكاگوداعى قوناقۇيدەن الدىن الا بولمەگە تاپسىرىس بەرگەن. ءبىراق وعان ەشكىم دە كىلتىن سۇراپ كەلمەگەن.
لاس-ۆەگاستاعى بۇل وقيعادان امان قالعاندار ومىرلەرىنىڭ وسى 6 ساعاتىن توزاقپەن تەڭەيدى.
- يراننىڭ يادرولىق كەلىسىمى
پرەزيدەنت ترامپ يراننىڭ يادرولىق كەلىسىمى تۋرالى شەشىمىن قابىلداپ بولدى، ءبىراق بۇل نەنى بىلدىرەدى؟
ترامپتىڭ ايتۋىنشا، وبامانىڭ پاكتى اقش-تىڭ قىزىعۋشىلىعىن تانىتا المايدى جانە كونگرەسستىڭ 60 كۇندىك شولۋى ارقىلى قابىلدانعان شەشىم وسىلايشا قالا بەرەدى. سىنشىلار ترامپ اقش-تىڭ ۇلتتىق قاۋىپسىزدىگىن تازا ساياسي ماقساتتارعا پايدالانىپ، قاتەر توندىرۋدە دەپ سانايدى.
- نەيت تروپيكالىق داۋىلى
نەيت تروپيكالىق داۋىلى كوستا –ريكو، گوندۋراس جانە نيكاراگۋادا 22 ادامنىڭ ءومىرىن قيعاننان سوڭ مەكسيكاعا بەتتەدى. بۇل داۋىل قايتادان اشىق تەڭىزگە ورالماس بۇرىن مەكسيكانىڭ يۋكاتان تۇبەگىندەگى تاعى ءبىر جەردە ويران سالۋى مۇمكىن.
ودان كەيىن نەيت داۋىلى نيۋ-ورلەان، فلوريدا، لۋيزيانا جانە الاباما شتاتىنا بەتتەۋى مۇمكىن.
4. رەسەيدىڭ ترامپ سايلۋىنا قاتىسى ءالى دە تەرگەلۋدە
ارنايى كەڭەسشى روبەرت ميۋللەردىڭ تەرگەۋشىلەرى وتكەن جىلدىڭ جازىندا بۇرىنعى بريتاندىق شپيونمەن كەزدەستى. دەتەكتيۆتەر «ترامپ» ناۋقانىنا كومەكتەسۋ ءۇشىن رەسەيدىڭ كۇش جۇمساۋىنا قاتىستى اقپاراتپەن ترامپ ۇكىمەتىندە تانىس ەكى ادامنىڭ بار ەكەندىگىن انىقتادى.
بۇرىنعى مي-6 وفيسەرى كريستوفەر ستيل ارقىلى تەرگەۋشىلەر ترامپتىڭ سايلاۋ ناۋقانىمەن بايلانىستى زاڭ بۇزۋشىلىقتاردىڭ رەسەيلىك شەنەۋنىكتەرمەن بايلانىستىلىعىن انىقتاۋدا.
- يسپانياداعى كاتالونيا رەفەرەندۋمى
كاتالونيانىڭ كوشباسشىلارى كەلەسى اپتادا ايماقتىڭ ازاتتىعىن جاريالاماق بولىپ ەدى، ءبىراق يسپانيانىڭ جوعارعى سوتى بۇل ۇدەرىستىڭ تىم تەز بولا سالمايتىندىعىن مالىمدەدى.
كونستيتۋسيالىق سوت كاتالونيانىڭ ايماقتىق پارلامەنتىنىڭ وتىرىسىن دۇيسەنبى كۇنگە قالدىردى، وندا ايماق رەسمي تۇردە دەكلاراسيا جاسايدى.
پوليسيامەن بولعان قاقتىعىستارعا قاراماستان، كاتالونياداعى سايلاۋشىلار ءبىر اپتا بۇرىن تاۋەلسىزدىك تۋرالى رەفەرەندۋم جاساعان بولاتىن. ءبىراق يسپانيا ۇكىمەتى داۋىس بەرۋ زاڭسىز ەكەنىن ايتقان. كاتالونيا پارلامەنتىن نە كۇتىپ تۇرعانى ءالى بەلگىسىز.
