قاراعاندى وبلىسىندا نەمەرەسىن باۋىزداپ ولتىرگەن ناعاشى اتاسى ۇستالدى، — دەپ حابارلايدى Qamshy.kz اقپارات اگەنتتىگى ktk.kz سايتىنا سىلتەمە جاساي وتىرىپ.

اراققا سىلقيا تويىپ العان شەت اۋدانىنىڭ تۇرعىنى 3 جاستاعى جيەنىنىڭ تاماعىن وسىپ جەبەرىپ، مۇنىمەن دە توقتاماي بىرنەشە جەردەن پىشاق سالعان. بالا سودان جان تاپسىرعان سوڭ، ايۋاندىق جاساعان اتاسى قاننەن-قاپەرسىز ۇيقىعا كەتىپتى. ەرتەڭىنە عانا نە بۇلدىرگەنىن كورىپ، ۇيىنەن قاشقان. اراعا ءبىر اپتا سالىپ قولعان تۇسكەن ول قىلمىسىن مويىندادى. ال قارا جامىلدى دەگەن ۇيدەگىلەر وتباسىنىڭ اسىراۋشىسى دەپ، وتاعاسىن جاقتاپ وتىر. 

ارسەندى باۋىزدايتىڭ ءتۇنى 39 جاستاعى ۆيتاليي ايەلى ەكەۋى 2 بوتەلكە اراقتى قىلداي ءبولىپ ىشكەن. ماسايعان ەلەنا تالتىرەكتەپ كورشىسىنىڭ ۇيىنە كەتسە، سوڭعى شيشانى جالعىز ءوزى سىمىرگەن ۆيتاليي كىشكەنتاي ارسەندى جايراتىپ سالادى. كەيىن مۇنىسىن ەسى كەتكەن ماسكۇنەم، شوشقا سويىپ جاتىر ەكەم دەپ ويلادىم دەپ ءمىز باقپاي ايتىپ بەرىپتى. ال قىرشىن ءسابيدىڭ ناعاشى اجەسى نەمەرەسىن ەمەس، قامالعان ەرىن جوقتاپ الەك.

ەلەنا رەزەنتيۋك، ارسەننىڭ اجەسى:

— قىلمىسىن مويىندايتىنىن ايتتى. سول كۇنى شوشقا سويعان ەدى. سونىڭ دا اسەرى بولعان شىعار. ونىڭ الدىندا ءتىستىڭ ءدارىسىن كوپتەپ ىشكەن بولاتىن. اراقپەن ارالاسىپ ەسىن كەتىرگەن سول بولۋى كەرەك.

ارسەندى بۇل وتباسىنىڭ مىنا ۇلكەن قىزى 15 جاسىندا تۋعان ەكەن. تۋا سالا، ۇلدى اكە-شەشەسىنە تاستاپ ءوزى قالاعا ءناپاقا تابۋعا كەتكەن. بۇنىڭ دا بالام ءولدى دەپ باۋىرى ەزىلىپ وتىرماعانى انىق بايقالادى. كوزىنەن ءبىر تامشى جاس تامباعان ول دا، اكەسىن جاقتاپ شىقتى.

نادەجدا رەزەنتيۋك، ارسەننىڭ اناسى:

— بالانىڭ بەتى ، قۇلاعى تىلگىلەنگەن. تاماعىن وسىپ جىبەرگەن، ۇيىقتاپ جاتقان كۇيى ءولىپ كەتكەن عوي. جانى قينالماعان شىعار دەپ ويلايمىن. ۇيدەگىلەر بالانىڭ ولگەنىن تاڭەرتەڭ عانا بايقاعان. ارينە، جانىم اشيدى. ءبىراق ولگەن بالا قايتىپ كەلمەيدى. اكەم بولماسا، 4 باۋىرىمدى كىم اسىرايدى؟

بۇل ۇيدەگىلەر جاعدايى تومەن وتباسى رەتىندە اۋداننىڭ ەسەبىندە تۇر. كورشىلەرى دە اۋىزدارىنان اراقتىڭ ءيىسى كەتپەيتىن وتباسىنى انادايدان اينالىپ وتۋگە تىرىسادى ەكەن. اينالدىرعان 20-اق ءۇيى بار اۋىلدى مىنا جاعداي ءتىپتى شوشىتىپ وتىر.  

— ايۋاندىق جاساعان ءتۇننىڭ ەرتەسىندە كۇدىكتى ۇيدەن بەزگەن. تۋىپ وسكەن ءوڭىرىنىڭ ءار تاسى مەن ساي-سالاسىن بىلەتىن ونى پوليسەيلەر ءبىر اپتا ىزدەپ تابا الماعان. اقىرى ۇيىنە كيىم اۋىستىرۋعا كەلگەندە قولعا ءتۇستى.

وسى ارالىقتا ول اۋىزعا ىلىگەتىن جيدەك جەپ، وزەن سۋىن ءىشىپ، دالادا تۇنەپ كەلىپتى. كۇن كۇرت سۋىتقان سوڭ شىداماسا كەرەك، ءتۇن ورتاسىندا ۇيىنە كەلىپ، جىلى كيىمدەرىن الىپ جاتقاندا تورۋىلداپ جۇرگەن پوليسيانىڭ قولىنا تۇسكەن. بىردەن كىناسىن مويىنداعان ول تەرگەۋ اباقتىسىنا قامالدى.