ءيا، بۇل ءسوزدى قىرعىزستاننىڭ پرەزيدەنتى المازبەك اتامبايەۆ ايتقان. ول 2014 جىلى 7 قاراشادا قازاقستانعا العاش رەت رەسمي ساپارمەن كەلگەن كەزدە توسىننان وسىنداي پىكىر ءبىلدىردى. المازبەك اتامبايەۆ وسىدان 1-2 جىل بۇرىن قازاقستان تۋرالى دا، ەلباسىمىز تۋرالى وڭ پىكىردە بولاتىن. ول استاناعا العاش رەسمي ساپارمەن كەلىپ قىرعىزستانداعى باستى ماسەلەلەردى ايتقان كەزدە نۇرسۇلتان نازاربايەۆ بۇرىننان باۋىرلاس ەلگە قول ۇشىن سوزاتىنىن ايتىپ ءوتتى. سول كەزدە المازبەك اتامبايەۆ قۋانعانىنان بولار نۇرسۇلتان نازاربايەۆتى ءوزىنىڭ تۋعان اعاسىنداي كورەتىنىن ايتقان ەدى.    

سونداي-اق اتامبايەۆتىڭ ق ر مەملەكەت باسشىنا جاعىمپازدانعانى ما، الدە شىنايىلىعى ما بەلگىسىز  2015 جىلى تامىز ايىندا ىستىق-كولگە دەمالۋعا شىقىرعان. 

اتامبايەۆتىڭ قازاقستان تۋرالى، پرەزيدەنتىمىز تۋرالى ماقتاۋ سوزدەرى ءالى اياقتالعان جوق. 2015 جىلى تامىز ايىندا نۇرسۇلتان نازاربايەۆ ىستىق كولگە دەمالۋعا بارعان كەزدە المازبەك اتامبايەۆ ءوز العىسىن جاۋدىرىپ، «قىرعىز بەن قازاق ءبىر تۋعان، ەكى ەلدىڭ شەكاراسىنىڭ  اراسىندا ەشقانداي كەدەرگى بولماۋ كەرەك»، — دەپ پىكىر بىلدىرگەن بولاتىن. سول كەزدەگى العىسى دا، تىلگە تيەك ەتكەن قىرعىز-قازاقتىڭ دوستىعى دا جالعان، جاعىمپازدانۋ بولعانى ما؟ الدە قازاقستاننىڭ قىرعىزستانعا كومەك كورسەتۋى ءۇشىن عانا ايتىلعان سوزدەر مە؟ بۇل سوزدەر اتامبايەۆتىڭ بىرنەشە جىل بۇرىن ويلاستىرعان استىرتىن ساياساتى دا بولۋى ابدەن مۇمكىن دەگەن پىكىردە قالاسىڭ، كەيدە...

سونىمەن بىرگە اتامبايەۆ 2014 جىلى قاراشا ايىندا قازاقستانعا كەلگەن كەزدە جەرگىلىكتى باق-قا سۇحبات بەرگەن ەدى.

«قىرعىزدا «قولدا بار التىننىڭ ءقادىرى جوق»، — دەگەن جاقسى ءسوز بار. قازاقستان حالقى نۇرسۇلتان نازاربايەۆتىڭ ءقادىرىن ءبىلسىن. مەن كوپتەگەن ەلدىڭ پرەزيدەنتتەرىمەن كەزدەسىپ ءجۇرمىن. سوندا مەنىڭ تاڭعالعانىم الەم نازاربايەۆتى باعالاعانداي ەشبىر ەلدىڭ باسشىسىن باعالامايدى. كىممەن كەزدەسسەم  دە پۋتين بولسىن، مەركەل بولسىن باسقا دا ەلدىڭ باسشىلارى نازاربايەۆقا تەڭ كەلمەيدى. نۇرسۇلتان نازاربايەۆتاي باسشىلار دۇنيەدە جوق ەمەس، الايدا از.»، — دەپ سۇحبات بەرگەن. 

نازاربايەۆتاي پرەزيدەنتتىڭ ءقادىرىن ءبىلسىن دەگەن اتامبايەۆتىڭ قازىرگى كەزدە ءبىزدىڭ ەلگە دە، ەلباسىعا دا كۇيە جاعىپ وتىرعانى قالاي؟!

قىرعىز-قازاق دوستىعى تۋرالى قىرعىزستانعا كومەك كەرەك كەزدە اتامبايەۆ ءجيى ايتاتىن. ال ءقازىر سايلاۋ باستالار شاقتاعى ىس-ارەكەتى اسپەن اتقاندى تاسپەن اتقانمەن بىردەي. بەلگىلى ءبىر كومپانيانى ەمەس، بۇتىندەي مەملەكەتتى باسقارىپ وتىرعان اتامبايەۆتىڭ ىس-ارەكەتى ادامدىققا جات دۇنيە. وسىعان دەيىن قازاقستاننىڭ قىرعىزستانعا جاساعان كومەگى، جاقسىلىعى ەش كەتكەنى مە؟ وسىعان دەيىن باۋىرلاس ەلمىز دەپ داستارحانىمىزدان ءدام تاتىپ، اسىمىزعا تۇكىرگەنى اتامبايەۆتىڭ جىگىتتىگىنە دە، ەل پرەزيدەنتى ەكەندىگىنە دە سىن بولار... 

شولۋشى: اسەل بولات قىزى