قالا باسشىسىنىڭ وكىمىمەن اسقار امرين استانا قالاسى اكىمىنىڭ ورىنباسارى بولىپ تاعايىندالدى، دەپ حابارلايدى Qamshy.kz اقپارات اگەنتتىگى. امرين اسقار كەمەڭگەر ۇلى ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن حالىقارالىق قۇقىق ماماندىعى بويىنشا، كورنەل قۇقىق مەكتەبىن قۇقىق ماگيسترى بويىنشا ءتامامداعان.

ەڭبەك جولىن 1997 جىلى اقمولا وبلىسى بويىنشا زەينەتاقى تولەۋ جونىندەگى مەملەكەتتىك ورتالىقتا زاڭگەر- كونسۋلتانت رەتىندە باستاعان.

1997-2001 ج.ج. قازاقستان رەسپۋبليكاسىنىڭ ادىلەت مينيسترلىگىندە ءتۇرلى لاۋازىمداردى اتقاردى.

2001-2003 ج.ج. قازاقستان رەسپۋبليكاسى تابيعي مونوپوليالاردى رەتتەۋ، باسەكەلەستiكتi قورعاۋ جانە شاعىن بيزنەستi قولداۋ ءجونiندەگi اگەنتتiگi ءتوراعاسىنىڭ ورىنباسارى.

2003-2006 ج.ج. قازاقستان رەسپۋبليكاسى قارجى ءمينيسترىنىڭ ورىنباسارى.

2007-2009 ج.ج. «Lancaster Invest» اق-دا قىزمەت ىستەدى.

2012 ج. قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىندە جاۋاپتى حاتشى.

2012-2016 ج.ج. قازاقستان رەسپۋبليكاسىنىڭ باس پروكۋرورى اپپاراتىنىڭ باسشىسى، قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى ءتوراعاسىنىڭ ءبىرىنشى ورىنباسارى.

2016-2017 ج.ج. استانا قالاسى اكىمىنىڭ كەڭەسشىسى.

2017 جىلعى 9 قازاندا استانا قالاسى اكىمىنىڭ ورىنباسارى بولىپ تاعايىندالدى.