قىرعىزستاننىڭ بۇرىنعى باس پروكۋرورى ايدا ساليانوۆا قىزمەتتىك بابىن اسىرا پايدالانعانى ءۇشىن بەس جىلعا سوتتالدى، - دەپ حابارلايدى Qamshy.kz اقپارات اگەنتتىگى سپۋتنيك قىرعىزستان مالىمەتىنە سۇيەنىپ.
2016 جىلى جەلتوقساندا قىرعىزستاننىڭ باس پروكۋراتۋراسىنىڭ باسپا ءسوز قىزمەتى ساليانوۆاعا قاتىستى "قىزمەتتىك بابىن اسىرا پايدالانعان" دەگەن كۇدىكپەن قىلمىستىق ءىس قوزعالعانى تۋرالى حابارلاعان ەدى. ول كەزدە ساليانوۆا ادىلەت ءمينيسترى مىندەتىن اتقارۋشى بولىپ قىزمەت ەتىپ جۇرگەن. 2010 جىلى بۇرىنعى ەل پرەزيدەنتى بولعان قۇرمانبەك باكييەۆتىڭ ۇلىنىڭ جاقتاستارىنىڭ ءبىرى بولعان، ىزدەۋدە جۇرگەن الەكسەي ەليسەيەۆتىڭ ادۆوكاتتىق ليسەنزياسىن قايتا قالپىنا كەلتىرىپ بەرگەن.
"بۇرىنعى باس پروكۋرور ايدا ساليانوۆا بىشكەك قالاسىنداعى لەنين اۋداندىق سوتىنىڭ شەشىمىمەن بەس جىلعا باس بوستاندىعىنان ايىرىلدى"، - دەلىنگەن حابارلامادا.
سوت ساليانوۆانى تۇرمەگە جابۋمەن قاتار مۇلكىن تاركىلەۋگە دە ۇكىم شىعارعان. الايدا جازا 14 جىلدان سوڭ ءوز كۇشىنە ەنەدى، سەبەبى ونىڭ 2015 جىلى تۋعان ءسابيى بار.
