گوگول مەن تولەبايەۆ كوشەلەرىنىڭ قيىلىسىندا توتەنشە جاعداي ورىن الدى دەپ حابارلايدى Qamshy.kz اقپارات اگەنتتىگى. بۇل تۋرالى ينديرا حامەچينا ەسىمدى Facebook قولدانۋشىسى ءوز پاراقشاسىنا جازدى. ونىڭ ايتۋىنشا، الماتى قالاسى گوگول مەن تولەبايەۆ كوشەلەرىنىڭ قيىلىسىندا جارىلىس بولدى. سونىڭ سالدارىنان قۇرىلىس جۇمىستارىن ىستەپ جاتقان ەر ادامدى توق ۇرعان.
«قۇرىلىس جۇمىستارى ءجۇرىپ جاتقاندا مەن جانە بالالارىمنان ءبىر مەتر قاشىقتىقتا جارىلىس بولدى. ەسەڭگىرەپ قالدىق. ءبىز امانبىز. ابىروي بولعاندا، جاقىن جەردە جەدەل جاردەم ءوتىپ بارا جاتقان. ەر ادامنىڭ جاعدايى جاقسى بولادى دەگەن ۇمىتتەنەمىن» دەپ جازادى ينديرا حامەچينا.
