دەنساۋلىق ساقتاۋ ءمينيسترى ە. ءبىرتانوۆ، ۇلتتىق عىلىمي كارديوحيرۋرگيا ورتالىعىنىڭ باسقارما ءتوراعاسى يۋ. پيا، ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ باسقارما ءتوراعاسى ب. بايماحانوۆ، قازاق ونكولوگيا جانە راديولوگيا عىلىمي-زەرتتەۋ ينستيتۋتتىڭ ديرەكتورى د. قايداروۆا، سەمەي ق. مەملەكەتتىك مەديسينالىق ۋنيۆەرسيتەتىنىڭ رەكتورى ە. ءجۇنىسوۆ اعىمداعى جاعداي، كلينيكالىق زەرتتەۋلەر جۇرگىزۋ تاجىريبەلەرى مەن قازاقستاندىق مەديسينا الدىندا تۇرعان مىندەتتەر تۋرالى باياندامالارىمەن تانىستىردى.
بۇگىن ۇكىمەت ۇيىندە ق ر پرەمەر-مينيسترى باقىتجان ساعىنتايەۆ ەلىمىزدىڭ جەتەكشى عىلىمي مەديسينالىق ورتالىقتارىنىڭ ديرەكتورلارىمەن كەزدەسۋ وتكىزدى، دەپ جازادى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا رەسپۋبليكادا مەديسينالىق عىلىمدى دامىتۋدىڭ نەگىزگى باعىتتارى تالقىلاندى. سونىڭ ىشىندە، ونكولوگياداعى پەرسوناليزاسيالانعان مەديسينا ارتىقشىلىقتارى، ءبىلىم، عىلىم جانە كلينيكالىق پراكتيكانىڭ بىرىگۋى، سونداي-اق، قازاقستانداعى بيومەديسينالىق زەرتتەۋلەر كەلەشەگى قارالدى.
