الماتى قالاسىنىڭ تىلدەردى دامىتۋ باسقارماسى الماتى قالاسى اكىمدىگىنىڭ 2017 جىلعى 18 مامىرداعى № 2/163 «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2017-2019 جىلدارعا ارنالعان ءىس-شارالار جوسپارىن بەكىتۋ تۋرالى» قاۋلىسىن جۇزەگە اسىرۋ ماقساتىندا جانە باسقارمانىڭ 2017 جىلعا ارنالعان جوسپارىنا سايكەس «رۋحاني جاڭعىرۋ» باعدارلاماسىنىڭ اياسىندا قازاق، ورىس جانە اعىلشىن تىلدەرىن جەتىك مەڭگەرگەن جاستار اراسىندا «ءتىلدارىن» قالالىق وليمپياداسىن وتكىزەدى دەپ حابارلايدى Qamsy.kz اقپارات اگەنتتىگى.
بايقاۋدىڭ ماقسات-مىندەتتەرى: جاستاردىڭ اراسىندا مەملەكەتتىك ءتىل ساياساتىن كەڭىنەن ناسيحاتتاۋ، قازاق ءتىلىنىڭ قولدانىلۋ اياسىن كەڭەيتۋ جانە دارىندى جاستارعا جان-جاقتى قولداۋ كورسەتۋ، جاستاردىڭ قازاق، ورىس جانە اعىلشىن تىلدەرىن ۇيرەنۋىن ىنتالاندىرۋ.
وليمپيادا شارتتارى. وليپياداعا قاتىسۋشىلار تومەندەگىدەي كەزەڭدەر بويىنشا سايىسقا تۇسەدى:
- تاڭداعان تاقىرىبى بويىنشا «تۇساۋكەسەر» (پرەزەنتاسيا) وتكىزۋ؛
- بەرىلگەن تاقىرىپ بويىنشا ەسسە جازۋ؛
- بەرىلگەن ءماتىن بويىنشا ىلەسپە اۋدارما جاساۋ.
وليمپياداعا قاتىسۋشىلار ءار كەزەڭنىڭ تاپسىرماسىن ءۇش تىلدە: قازاق، اعىلشىن جانە ورىس تىلدەرىندە ورىندايدى.
قاتىسۋشىلار ويدى جەتكىزە ءبىلۋ شەبەرلىگى مەن سويلەۋ مادەنيەتىن كورسەتۋى ءتيىس. وليمپيادا بارىسىندا قاتىسۋشىلار بەرىلگەن تاپسىرمالارعا سايكەس الدىن-الا ازىرلەنگەن اۋديو جانە بەينە ماتەريالداردى قولدانۋىنا بولادى.
ءار كەزەڭنەن كەيىن قازىلار القاسى وتە تومەن ۇپاي جيناعان جەكەلەگەن قاتىسۋشىلاردى كەلەسى كەزەڭدەرگە جىبەرمەۋ تۋرالى شەشىم قابىلداۋى مۇمكىن.
وليمپيادانىڭ قازىلار القاسى قۇرامىنا بەلگىلى ءتىلشى عالىمدار، ۇكىمەتتىك ەمەس ۇيىمداردىڭ وكىلدەرى، اۋدارما ءىسىنىڭ كاسىبي بىلىكتى ماماندارى ەنەدى.
وليمپيادا جۇلدەسى. ءبىرىنشى، ەكىنشى جانە ءۇشىنشى ورىنداردى يەلەنگەندەر ءتيىستى دارەجەدەگى ديپلومدار مەن باعالى سىيلىقتارمەن ماراپاتتالادى. باسقا قاتىسۋشىلارعا العىس حاتتار مەن ەستەلىك سىيلىقتار تاپسىرىلادى. وليمپيادا جەڭىمپازى الماتى قالاسىنىڭ اتىنان «ءتىلدارىن» رەسپۋبليكالىق وليمپياداسىنا جىبەرىلەدى.
