الماتى قالاسىندا  3 جانە 10 قازان ارالىعىندا «بالالار الەم ىرعاعىندا» اتتى قازاقستان جاستارىنىڭ II شىعارماشىل فەستيۆالى وتكەن بولاتىن.فەستيۆالدىڭ قورىتىندى كونسەرت 10 قازاندا اباي اتىنداعى قازاق مەملەكەتتىك اكادەميالىق  وپەرا جانە بالەت تەاترىندا ءوتتى دەپ حابارلايدى Qamshy.kz اقپارات اگەنتتىگى.

 بۇل جوبا ەلىمىزدىڭ دارىندى جاس ورىنداۋشىلارىن تابۋعا جانە قولداۋعا  باعىتتالعان. جوباعا قاتىسۋعا 2000-عا جۋىق بالالار ءوتىنىش بىلدىرگەن.

12 مەن 17 جاس ارالىعىنداعى بالالاردان كوپتەگەن قىزىقتى جانە  تارتىمدى ۆيدەولار كەلگەن بولاتىن. ۆوكالدىق، مۋزىكالىق جانە حورەوگرافيالىق ونەردىڭ الدىڭعى قاتارلى ۇستازدارىنان تۇراتىن ءادىلقازى  القالارى بالالاردىڭ ىشىنەن ەڭ مىقتىسىن سارالاپ شىعاردى. بەكىتىلگەن رەگلامەنت بويىنشا 18  بالا اقتىق سىنعا شىعۋى كەرەك بولاتىن، ءبىراق ەڭ مىقتى دەگەن 24 كونكۋرسانت ىرىكتەلىپ الىندى.ولاردىڭ ىشىندە الماتى، جامبىل جانە قاراعاندى وبلىستارىنان، استانا، الماتى، اتىراۋ، بالقاش، ورال، وسكەمەن، سەمەي قالالارىنان كەلگەن 7 ءانشى، 9 مۋزىكانت جانە 8 ءبيشى بالالار كەلدى.

جوبا بارىسىندا بالالار جاقىن دوستاسىپ، بىر-بىرىنە قولداۋ ءبىلدىرۋ ارقىلى ناعىز توپ بولىپ كەتتى. دايىندالۋ ۋاقىتى از بولعانىمەن بالالار قازاقستان رەسپۋبليكاسىنىڭ ەڭبەك سىڭىرگەن قايراتكەرى  ا.ۆ. بەلياكوۆپەن جانە الماتى قالاسى اكىمىنىڭ ەسترادالىق-سيمفونيالىق وركەسترىنىڭ مۋزىكالىق سۇيەمەلدەۋىمەن جۇمىس جاسادى. بۇل – «بالالار الەم ىرعاعىندا» شىعارماشىلىق فەستيۆالىنىڭ ەرەكشەلىگى.

قالىپتاسقان ءداستۇر بويىنشا بالالار ەلىمىزدىڭ اتاقتى جۇلدىزدارى ايدا ايۋپوۆا، الاش ۇلى جانە KeshYou توپتارىمەن ءان شىرقادى.

«بالالار الەم ىرعاعىندا» اتتى جاستاردىڭ ءبىرىنشى شىعارماشىل فەستيۆالى 2015 جىلى يۋنەسكو-نىڭ 70 جىلدىعىن تويلاۋ اياسىندا ۇيىمداستىرىلعان بولاتىن. يۋنەسكو-نىڭ قولداۋى اياسىندا ەلىمىزدىڭ 1500 دارىندى تالانتتار قامتىلعان بولاتىن. ناتيجەسىندە شالعاي ايماقتاردان كەلگەن ءتورت فيناليست ارى قاراي كاسىبي ءبىلىم الۋ ءۇشىن ەلىمىزدىڭ شىعارماشىل جوعارعى وقۋ ورىندارىندا مەملەكەتتىك گرانت يەگەرلەرى اتاندى.

قازاقستان جاستارىنىڭ ەكىنشى شىعارماشىلىق فەستيۆالى قازاقستاننىڭ يۋنەسكو-عا مۇشەلىگى جانە قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنا 25 جىل تولۋى، يۋنەسكو كلۋبتىق قوزعالىسىنىڭ 70 جىلدىعى، ەلباسىنىڭ «رۋحاني جاڭعىرۋ» باعادارلاماسىنىڭ 2013-2022 جىلداردا مادەنيەتتەردى جاقىنداستىرۋدىڭ حالىقارالىق ونجىلدىعى جانە الماتى قالاسى جاستار جىلىنىڭ اياسىندا وتۋدە.

اتالعان جوبانى قازاق ۇلتتىق يۋنەسكو كلۋبتارىنىڭ فەدەراسياسى مەن ق ر تۇڭعىش پرەزيدەنتى – ۇلت كوشباسشىسى قورى بىرلەسە جۇزەگە اسىرىپ جاتىر. سونداي-اق، ق ر مادەنيەت جانە سپورت مينيسترلىگى، ءبىلىم جانە عىلىم مينيسترلىگى، ق ر يۋنەسكو جانە يسەسكو ىستەرى جونىندەگى ۇلتتىق كوميسسيا جانە الماتى مەن استانا قالالارىنىڭ اكىمدىكتەرى تاراپىنان دا كەڭ قولداۋ تانىتقان.

جوبانىڭ سەرىكتەستەرى: Total E&P Kazakhstan، Tengizchevroil LLP، Air Astana، Grand Tien Shan Hotel، Soho Concert-bar & meat، Samsung Kazakhstan، Caspian. ال، اقپاراتتىق قولداۋدى الماتى، كتك تەلەارنالار، ازيا ورىسشا راديوسى، رەترو فم، كلاسسيكا راديوسى، Tengrinews جانە Massaget اقپاراتتىق پورتالدارى كورسەتىپ وتىر.