بيىل ەكونوميكالىق ءتيىمدى دارى-دارمەكتەردىڭ ەسەبىنەن تەگىن امبۋلاتورلىق قامسىزداندىرۋ ءۇشىن دارىلەردىڭ ءتىزىمى كەڭەيتىلدى جانە قايتا قارالدى. مىسالى، جۇقپالى س گەپاتيتىن ەمدەۋ ءۇشىن قىمبات جانە تيىمدىلىگى تومەن پەگيليروۆتىك (60%) ينتەرفەروندى تەراپياسى اناعۇرلىم ءتيىمدى (98%) تىزبەسىنە اۋىستىرىلدى. وسىلايشا بيۋدجەتتى ساقتاي وتىرىپ، دەرتتەن ايىعۋشىلاردىڭ سانىن 500-دەن 8000-عا دەيىن ارتتىرا الادى دەپ حابارلايدى Qamshy.kz اقپارات اگەنتتىگى. 

سونىمەن قاتار، فارماسيەۆتيكا سالاسىنداعى نىسانداردى تەكسەرۋ كەزىندە  ورتالىق اپپاراتتىڭ فارما تەكسەرۋشىلەرىنىڭ قاتىسۋى باقىلاۋعا الىنادى. بۇل ءىس-شارا مينيسترلىك تاراپىنان جەمقورلىقتى الدىن الۋ ماقساتىندا جۇرگىزىلەدى. بۇل تۋرالى ورتالىق كوممۋنيكاسيالار قىزمەتىندە ق ر دەنساۋلىق ساقتاۋ مينيسترلىگى فارماسيا كوميتەتىنىڭ ءتورايىمى ليۋدميلا بيۋرابەكوۆا مالىمدەدى.

- ەلىمىزدەگى دارىلىك زاتتاردى قامتاماسىز ەتۋ سالاسىنداعى بارلىق رەفورمالار  قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن جۇزەگە اسىرۋ شەڭبەرىندە قۇرىلعان. بارلىق تىزىمدەردى رەتتەۋ جۇيەلى تاسىلدە وتەدى،- دەدى ليۋدميلا بيۋرابەكوۆا.

بۇگىندە ق ر دەنساۋلىق ساقتاۋ مينيسترلىگى تاراپىنان دارى-دارمەكتەردىڭ قىمباتتاۋىنا قارسى كۇرەس شارالارى جۇيەلى تۇردە جۇرگىزىلۋدە.