وڭتۇستىك قازاقستان وبلىسىندا ماقتا جيناۋ ناۋقانىندا 16 جاستاعى جاس جىگىت قازا بولدى،- دەپ Qamshy.kz اقپارات اگەنتتىگى 24.kz سايتىنا سىلتەمە جاساپ حابارلايدى. قايعىلى جاعداي ورداباسى اۋدانى تورتكۇل ەلدى-مەكەنىندە 10 قازاندا بولعان. ول ءبىر توپ جۇمىسشىلارمەن ماقتا تەرۋگە كەتكەن.
جۇمىس ۋاقىتىنان بىرنەشە ساعات وتكەن كەزدە ماقتا تىعىزدالعان اربانىڭ ۇستىنە ءمىنىپ، ازداپ ۇيىقتاپ الۋدى شەشكەن.
وسى ۋاقىتتا وزگە ديقاندار ماقتا تولى جۇكتەردى اربانىڭ ۇستىنە لاقتىرا باستاعان. ولار كولىكتىڭ ىشىندە ۇيىقتاپ قالعان جاس ءوسپىرىمدى بايقاماي، جۇمىستارىن ارى قاراي جالعاستىرا بەرەدى. سول سەبەپتى جىگىت تۇنشىعىپ ولگەن.
بالانىڭ دەنەسى اربانىڭ تۇبىنەن بىرنەشە ساعات وتكەننەن كەيىن عانا تابىلعان.
پىكىر قالدىرۋ