ميانما مەملەكەتتىك كەڭەسشىسى اۋن سان سۋ چجي ءوزى ءبىلىم العان وكسفوردتاعى ادام قۇقىقتارى سالاسىنداعى ماراپاتىنان ايىرىلىپ قالدى، ― دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
وكسفوردتىڭ قالالىق كەڭەسى بيرمالىق ساياساتكەردى ماراپاتتان ايىرۋعا ءبىراۋىزدان داۋىس بەرگەن. بۇل شەشىم الەمگە تانىمال وقۋ ورنىندا ءبىلىم العان ميانما باسشىسىنىڭ مۇسىلماندارعا قارسى زورلىق-زومبىلىق پەن گەنوسيدتىك ارەكەتتەرگە كوز جۇما قاراۋى وكسفورد بەدەلىنە نۇقسان كەلتىرەدى دەگەن سەبەپپەن قابىلدانعان.
ايتا كەتەتىن بولساق، تامىز ايىنىڭ سوڭىندا ميانمادان بانگلادەشكە 500 مىڭنان اسا روحيندجالىق مۇسىلمان قاشىپ شىققان. ميانماداعى روحيندجا مۇسىلماندارى مەن جەرگىلىكتى تۇرعىنداردىڭ اراسىندا بىرنەشە جىل بويى زاڭسىزدىقتار بولعان. ادام قۇقىقتارى سالاسىندا بەلسەندىلىگىمەن بەلگىلى ميانما كوسەمى اۋن سان سۋ چجي وسى ارەكەتتەرگە نەمقۇرايلى قاراعاندىقتان قاتاڭ سىنعا ۇشىرادى.
