كاليفورنيانىڭ سولتۇستىگىندە ورنالاسقان ورمان ورتكە ورانىپ قۇربان بولعانداردىڭ سانى 31-گە جەتتى، — دەپ حابارلايدى Qamshy.kz  اقپارات اگەنتتىگى شەتەلدىك باق-قا سىلتەمە جاساي وتىرىپ.

وسىدان بىرنەشە كۇن بۇرىن توتەنشە جاعداي ناپا، سونوما جانە يۋبا ايماقتارىندا بولعان. اتالعان ايماقتان 20 مىڭنان استام ادام كوشۋگە ءماجبۇر بولدى. 

امەريكالىق بيلىكتىڭ حابارلاۋىنشا، بۇنداي ءورت  امەريكا تاريحىندا بۇرىن بولماعان. 1500 عيمارات ءورتتىڭ كەسىرىنەن قيراندىعا اينالدى.

كاليفورنيانىڭ وڭتۇستىگىندەگى ورماندا ءورت ءجيى بولىپ تۇرسا، سولتۇستىكتەگى ورماندار سيرەك ورتەنەدى.

«ءورت كوپتەگەن عيماراتتى قيراتتى جانە مىڭداعان ادامنىڭ ومىرىنە ءقاۋىپ ءتونىپ تۇر. سوندىقتان جەرگىلىكتى تۇرعىنداردى تەز ارادا ەۆاكۋاسيالاندىرۋ كەرەك»، ― دەپ مالىمدەدى كاليفورنيا شتاتىنىڭ گۋبەرناتورى دجەرري براۋن. 

وسىعان دەيىن كاليفورنياعا جاقىن ايماقتاععى ورماندار ورتەنگەن بولاتىن. توتەنشە جاعداي ءالى دە جالعاسۋدا. اتالعان ءورتتىڭ سالدارىنان ەلدە 100-دەن اسا ادام جوعالىپ، 3،5 مىڭنان استام عيمارات قيراپ قالعان.