شىمكەنتتە قاراقشى بانكتەن 16 000 000 تەڭگە، 23 000 اقش دوللارى مەن 8 500 رەسەي ءرۋبلىن قولدى ەتكەن، دەپ حابارلايدى Qamshy.kz اقپارات اگەنتتىگى وڭتۇستىك قازاقستان وبلىستىق ءىىد-نىڭ باسپا ءسوز قىزمەتىنە سىلتەمە جاساي وتىرىپ.

«13 قازان كۇنى 19.40-تا شىمكەنت قالاسىنداعى بانكتەردىڭ بىرىندە «دابىل تۇيمەشەسى» قاعىلدى. ارادا بىرنەشە مينۋت وتكەن سوڭ شىمكەنت قالالىق ءىىب ءال-فارابي ءپب-نىڭ جەدەل-تەرگەۋ توبى وقيعا ورنىنا كەلىپ جەتتى. بانك قىزمەتكەرىنىڭ سوزىنە قاراعاندا، عيماراتقا بەتىنە بەتپەردە كيگەن بەلگىسىز بىرەۋ ەدەنگە «جارىلعىش پاكەت» تاستاپ، ءتۇتىن شىعارىپ، بالتامەن قورقىتىپ، اقشا بەرۋىن تالاپ ەتكەن»، - دەپ حابارلادى ءىىد.

بەلگىسىز ازامات كاسسادان 16 ملن تەڭگە، 23 مىڭ اقش دوللارى جانە 8 500 ءرۋبلدى الىپ كەتكەن. وسى كەزدە قىزمەتكەرلەردىڭ ءبىرى «دابىل تۇيمەشەسىن» باسقان، الايدا كۇدىكتى وقيعا ورنىنان بوي تاسالاپ ۇلگەرگەن.  اتالعان جايت بويىنشا ق ر قك 192-بابى 4ء-بولىمى «اسا ءىرى كولەمدەگى قاراقشىلىق» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. 

ايتا كەتەيىك، كەشە ساعات 19:40-تا شىمكەنت قالاسىنداعى كاسپيي بانك بولىمشەسىنە قاراقشى شابۋىل جاساعان بولاتىن.