بەلگىلى ازىلكەش نۇرلان قويانبايەۆتىڭ «بيزنەس پو-كازاحسكيي ۆ امەريكا» دەپ اتالاتىن كينوسى جەلتوقسان ايىنىڭ 28-ىندە قالىڭ كورەرمەنگە جول تارتادى دەپ حابارلايدى Qamshy.kz اقپارات اگەنتتىگى. بۇل تۋرالى نۇرلان قويانبايەۆ Instagram الەۋمەتتىك جەلىسىندە جازعان بولاتىن.
بۇل تۋىندى جىل باسىندا جارىق كورگەن «بيزنەس پو-كازاحسكيي» كينوسىنىڭ جالعاسى.
«وسىدان ءبىر جىل بۇرىن «بيزنەس پو-كازاxسكي» ءفيلمىن xالىق نازارىنا ۇسىنعان ەدىك. سىزدەردىڭ قولداۋلارىڭىزبەن ءفيلمنىڭ پروكاتى 2 ايعا سوزىلدى. سول ءۇشىن بارشاڭىزعا مىڭ العىس! سول قولداۋلارىڭىز سەبەپ بولىپ كينومىزدىڭ جالعاسىن تۇسىرەمىز دەگەن شەشىم قابىلدادىق. جاز بويى اقش-تىڭ كاليفورنيا شتاتىندا جانە ءوزىمىزدىڭ الماتىدا ءتۇسىرىلىم جۇمىستارى بولدى.
28-جەلتوقساننان باستاپ ەلىمىزدىڭ بارلىق كينوتەاترلارىنان كورە الاسىزدار»،- دەدى نۇرلان قويانبايەۆ.
ايتا كەتەيىك «بيزنەس پو-كازاحسكيي» كينوسى 22 قازاندا ساعات 12:00-دە Youtube ارناسىنا شىعادى.
