قىرعىزستاندا وتكەن پرەزيدەنت سايلاۋىنىڭ ناتيجەسى بۇگىن بەلگىلى بولىپ، سوورونباي جەەنبەكوۆ جەڭىسكە جەتكەن بولاتىن. Qamshy.kz اقپارات اگەنتتىگى «Sputnik كىرگىزستان» سايتىنىڭ مالىمەتىنە سۇيەنىپ قىرعىزستاننىڭ جاڭا كوشباسشىسى تۋرالى 10 دەرەكتى وقىرمان نازارىنا ۇسىنادى.
- ول ءوز سۇحباتارىنىڭ بىرىندە «اللادان باسقا ەشكىمگە سەنبەيتىنىن» ايتقان.
- ول ءوز مانسابىن مەكتەپتە ءمۇعالىم بولىپ باستاعان.
- ول قىرعىز ءسسر-ى جوعارى كەڭەسى ءتوراعاسى جانە قىرعىز سسر كوممۋنيستىك پارتياسى ورتالىق كوميتەتىنىڭ ءتوراعاسى ءابسامات ماسالييەۆتى ءوز يدەالى رەتىندە سانايدى.
- ول 10 بالالى وتباسىندا دۇنيەگە كەلگەن. ونىڭ اعالارىنىڭ بارلىعى ەلگە ەڭبەك سىڭىرگەن تۇلعالار بولىپ تابىلادى. ءبىرى جالال-اباد ەكونوميكا جانە كاسىپكەرلىك ۋنيۆەرسيتەتىنىڭ پرەزيدەنتى، پروفەسسور جانە عىلىم دوكتورى بولسا، ەكىنشى، جۇسىپبەك ەسىمدى اعاسى كۋۆەيتە ەلشىلىكتە قىزمەت اتقارادى. ال اسىلبەك ەسىمدى باۋىرى پارلامەنت سپيكەرى بولعان. وسىدان ءبىراز ۋاقىت بۇرىن قايتىس بولعان يسكەندەر جيەنبەكوۆ 28 جاسىندا وش وبلىسىنىڭ پروكۋرورى اتانعان بەلدى مامان رەتىندە تانىمال.
- 2010 جىلعى 7 ءساۋىر كۇنى بولعان ەلدىڭ جاپپاي ميتينگى كەزىندە اعايىندىلار مانسابى مەن ءوز باسىن قاتەرگە تىگىپ، وش وبلىسىندا وتكەن ميتينگىگە قاتىسقان.
- سوورونباي جيەنبەكوۆ جوعارعى كەڭەس دەپۋتاتتىعىنا بىرنەشە مارتە سايلانعان. حالىق قالاۋلىلارى جينالىسىندا اگرارلىق ماسەلەلەر جونىندەگى كوميتەتكە باسشىلىق ەتكەن.
- ول ءوز وتباسىن ەلگە كورسەتپەيدى. اعا-ىنىلەرىنەن باسقا، ونىڭ ەكى اپكەسى بار.
- 2016 جىلعى ءساۋىر ايىندا جيەنبەكوۆتى مينيسترلەر كابينەتىنىڭ باسشىسى قىزمەتىنە تاعايىنداپ جاتقاندا، ول «پرەمەر-مينيستر بولۋ ءتىپتى تۇسىنە دە كىرمەگەنىن»، — ايتقان.
- اۋىل شارۋاشىلىعى ءمينيسترى بولعان كەزىندە ول شارۋالارعا ۇكىمەتكە سەنبەي، ءوز كۇشىنە يەك ارتۋ كەرەكتىگىن ەسكەرتىپتى.
- ونىڭ مەملەكەتتىك ساۋلەت جانە قۇرىلىس اگەنتتىگى ديرەكتورىنىڭ ورىنباسارى المازبەك ابدىقادىرگە ايتقان «چىك ەشيككە!»، ― دەگەن ءسوزى ەل نازارىن وزىنە اۋدارىپ، الەۋمەتتىك جەلىلەردە ءتۇرلى كاريكاتۋرالاردىڭ پايدا بولۋىنا سەبەپ بولعان. «چىك ەشيككە» دەگەن ءسوز «جوعال ءارى» دەپ اۋدارىلادى.
