قىلمىستىق جانە باسقارما قىزمەتىنىڭ ساندىق جۇيەگە ءوتۋى سەبەپتى، مەملەكەتتىك قىزمەتكەرلەرگە سمارتفون قولدانۋعا مۇمكىندىك بەرىلەدى،- دەپ Qamshy.kz اقپارات اگەنتتىگى Tengrinews.kz سايتىنا سىلتەمە بەرىپ جازادى.

«ساندىق جۇيەگە ءوتۋ بارىسىندا موبيلدىلىك كەرەك، سوندىقتان بۇل سۇراق ماجىلىستە ءالى دە قاراستىرىلاتىن بولادى»،- دەدى ق ر باس پروكۋرورىنىڭ ورىنباسارى مارات احمەتجانوۆ.

وسىنىڭ الدىندا، احمەتجانوۆ «ساندىق جۇيەگە ءوتۋ قوعامعا جانە تەرگەۋشىلەردىڭ جۇمىسىن جەڭىلدەتۋگە قاجەت» دەگەن بولاتىن. وعان قوسا، ق ر ءىىد-ى ساندىق جۇيەگە ءوتۋ ءۇشىن ءالى دە تەحنيكالىق جابدىقتاندىرۋ وتە ناشار ەكەندىگىن ايتقان.

ەستەرىڭىزگە سالا كەتەيىك، 2016 جىلدىڭ ناۋرىز ايىندا بارلىق مەملەكەتتىك ورگان قىزمەتكەرلەرىنە جانە وندا كەلۋشىلەرگە  ءموبيلدى قۇرىلعىلاردى  (سمارتفون، پلانشەت، سماتر- ساعاتتار) قولدانۋعا تىيىم سالىنعان بولاتىن. مۇنىڭ سەبەبى، مەملەكەتتىك قىزمەتكەرلەردىڭ سمارت قۇرىلعىنى جۇمىس بارىسىندا قولدانىپ، WhatsApp جەلىسى ارقىلى كوپتەگەن قۇپيا اقپاراتتاردى تاراتۋى جيىلەگەندە جاسالعان شارا ەدى.