قۇقىق قورعاۋ ورگاندارىنىڭ قىزمەتكەرلەرىنە سيفرلاندىرۋعا كوشۋگە بايلانىستى جۇمىستا سمارتفون پايدالانۋعا رۇقسات بەرىلۋى مۇمكىن.

بۇل تۋرالى Qamshy.kz اقپارات اگەنتتىگى Sputnik قازاقستان مالىمەتىنە سۇيەنىپ جازادى.

ماجىلىستە بۇگىن كەيبىر زاڭنامالىق اكتىلەرگە قۇقىقتىق قورعاۋ قىزمەتىنىڭ پروسەستىك نەگىزدەرىن جاڭعىرتۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسى تانىستىرىلدى. وتىرىس بارىسىندا ىشكى ىستەر ءمينيسترىنىڭ ورىنباسارى راشيد جاقىپوۆ ەلىمىزدە ءقازىر پيلوتتىق رەجيمدە قىلمىستىق ىستەردى ەلەكروندى تۇردە جۇرگىزۋ قولعا الىنعانىن اتاپ ءوتتى.

“سيفرلاندىرۋ – بۇل بولاشاق، ءبىراق قىلمىستىق قۋدالاۋ مەن قىلمىستىق جاۋاپكەرشىلىككە تارتۋدىڭ ەرەكشەلىگىن ەسكەرۋ كەرەك. ەلەكتروندى تەرگەۋ سەكىلدى فورماعا تولىققاندى كوشۋ ءۇشىن ىشكى ىستەر ورگاندارىنىڭ تەحنيكالىق جاراقتاندىرىلۋى كوڭىل كونشىتپەيتىنىن ءبىز كورىپ وتىرمىز”، — دەدى جاقىپوۆ.

ۆيسە-مينيستر پروسەسكە قاتىساتىن بۇكىل قۇرىلىمداردى تولىققاندى تەحنيكالىق جابدىقتاۋ ءۇشىن 11 ميلليارد تەڭگە قاجەت ەكەنىن ايتتى.

زاڭ جوباسىنىڭ تانىستىرىلىمىنان كەيىن جۋرناليستەر باس پروكۋروردىڭ ورىنباسارى مارات احمەتجانوۆتان سيفرلاندىرۋعا بايلانىستى سمارتفون پايدالانۋعا رۇقسات بەرۋ جاعى قالاي بولاتىنىن سۇرادى.

“ءيا، ارينە. بۇل سۇراق بارلىق ماسەلەمەن بىرگە قاراستىرىلاتىن شىعار”، — دەدى احمەتجانوۆ.

وتكەن جىلى كوكتەمدە قازاقستاندا مەملەكەتتىك ورگانداردىڭ قىزمەتكەرلەرى مەن عيماراتقا كىرەتىن ازاماتتارعا موبيلدىك قۇرىلعىلار (سمارتفون، پلانشەت، سمارت-ساعات) پايدالانۋعا تىيىم سالىنعان بولاتىن. بۇل شارا قىزمەتتىك اقپاراتتىڭ الەۋمەتتىك جەلى ارقىلى تاراپ كەتۋ فاكتىلەرىنىڭ جيىلەپ كەتۋىنە بايلانىستى قولعا الىندى.