قۇتقارۋشىلاردىڭ كاسىبي مەرەكەسىنە وراي وتكەن ءىس-شارادا ءتىلسىز جاۋمەن كۇرەسىپ، 2 ادامنىڭ ءومىرىن امان الىپ قالعان اعا ءورت ءسوندىرۋشى-قۇتقارۋشى دانيار مۇحامەدجانوۆتىڭ ەرلىگى ەرەكشە اتالىپ  ءوتتى، دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ مەديا ورتالىعىنا سىلتەمە جاساي وتىرىپ.

بۇگىن، 19 قازاندا قۇتقارۋشىلار كۇنىنە ارنالعان سالتاناتتى جيىن بارىسىندا «سارىارقا»، «ەسىل» جانە «الماتى» اۋداندارىنىڭ اكىمدەرى توتەنشە جاعدايلار باسقارمالارىنىڭ قىزمەتكەرلەرى مەن ءورت سوندىرۋشىلەردى كاسىبي مەرەكەسىمەن قۇتتىقتاپ، جانكەشتى قىزمەتى مەن توتەنشە جاعدايلاردى جويۋ كەزىندەگى ەرلىگى ءۇشىن شىنايى العىسىن ءبىلدىردى.

«اعىمداعى جىل ەكسپو-2017 حالىقارالىق مامانداندىرىلعان كورمەسىن وتكىزۋمەن ەستە قالدى. سىزدەردىڭ مىندەتتەرىڭىز ەكسپو-2017 كورمەسىن وتكىزۋ كەزەڭىندە ىقتيمال توتەنشە جاعدايلارعا ۋاقىتىلى دەن قويۋ، ءورت قاۋىپسىزدىگىن ساپالى قامتاماسىز ەتۋ بولاتىن. بىرلەسكەن جۇمىس پەن كاسىبيلىكتىك ارقاسىندا ءسىز الدىڭىزعا قويىلعان مىندەتتى ابىرويمەن ورىندادىڭىز»، - دەپ توقتالدى «ەسىل» اۋدانى اكىمىنىڭ ورىنباسارى ا.قايىرجانوۆ.

«دەپارتامەنتتىڭ جەكە قۇرامىن، ازاماتتىق قورعاۋ ورگاندارى مەن بولىمشەلەرىنىڭ ارداگەرلەرىن كاسىبي مەرەكەسى – قۇتقارۋشى كۇنىمەن قۇتتىقتايمىز! سىزدەردىڭ قاشاندا جەدەل، ناقتى جانە ۇيلەسىمدى ارەكەت ەتەتىندەرىڭىزگە، كاسىبي شەبەرلىكتەرىڭىز، بىلىمدەرىڭىز بەن كۇشتەرىڭىز ادامداردىڭ ءومىرىن قۇتقارۋ يگى ىسىندە قىزمەت ەتەتىنە سەنىمدىمىن»، - دەدى ول.

 جيىن قورىتىندىسى بويىنشا اۋداندىق تجب جەكە قۇرامدارىنا العىس حات تابىستاۋ ءراسىمى ءوتتى.