اعزامىزدا توقتاۋسىز ءتۇرلى پروسەستەردىڭ ءجۇرىپ جاتاتىنىن بىلەسىز بە؟ ال وندا قانداي دا ءبىر «اقاۋ» بولا قالسا، ونى دەرەۋ رەتكە كەلتىرۋ ءۇشىن اعزامىز بىزگە حابار بەرىپ، كومەك سۇرايدى. ەگەر دە سول كومەكتى ۋاقىتىلى كورسەتە الساڭىز، دەنساۋلىعىڭىز دا مىقتى، كوڭىل كۇيىڭىز دە كوتەرىڭكى بولماق. 
تەرىنىڭ قۇرعاقتىعى 
بۇل اعزادا ە دارۋمەنىنىڭ جەتىسپەۋشىلىگىن بىلدىرەدى. ونىڭ ورنىن تولتىرۋ ءۇشىن كۇندەلىكتى اس مازىرىنە جاڭعاق، مايلى بالىق پەن وسىمدىك مايىن قوسىڭىز. 
شاش پەن تىرناقتىڭ سىنعىشتىعى 
بۇل اعزادا ۆ دارۋمەندەر توبى مەن كالسييدىڭ ازدىعىنان حابار بەرەدى. ال ولار ءداندى داقىلدار مەن بوتقالاردىڭ قۇرامىندا مولىنان بار. 
قىزىليەكتىڭ قاناۋى 
س دارۋمەنىنىڭ جەتىسپەۋشىلىگىن اڭعارتادى. ال ول پياز بەن سارىمساقتىڭ، جەمىس-جيدەكتەردىڭ قۇرامىندا كوپ كەزدەسەدى. 
ۇيقىسىزدىق 
ماگنيي مەن كالييدىڭ ازدىعى سالدارىنان بولادى. بۇل ميكروەلەمەنتتەر سارىورىك، ابريكوس، قاراورىك پەن قىزىلشانىڭ قۇرامىندا جەتكىلىكتى. 
اياق-قولدىڭ تارتىلۋى 
بۇل دا كاليي مەن ماگنييدىڭ ازدىعىنان بولادى. جوعارىدا ايتقان ونىمدەردى كوبىرەك تۇتىنىڭىز. 
شىنتاق تەرىسىنىڭ تىلىمدەنۋى 
بۇل اعزادا ا جانە س دارۋمەندەرىنىڭ جەتكىلىكسىز ەكەنىن بىلدىرەدى. ال ولار بارلىق قىزىلسارى تۇستەس كوكونىستەر مەن جەمىستەردىڭ قۇرامىندا بار: ءسابىز، اسقاباق، قىزاناق، ابريكوس، سارىورىك، ت.ب. 
تۇزدىعا قۇمارتۋ 
بۇل اعزادا قانداي دا ءبىر ينفەكسيانىڭ پايدا بولعانىنان نەمەسە قۋىق-نەسەپ جولدارىنىڭ قابىنۋىنان حابار بەرەدى. 
تاتتىگە قۇمارتۋ 
بۇل جۇيكە جۇيەسىنىڭ جۇقارعانىنان سىر بەرەدى. دەمەك، اعزاعا دەرەۋ گليۋكوزا قاجەت. مۇندايدا بال نەمەسە شوكولاد كومەك بولماق. 
تۇششىعا قۇمارتۋ 
بۇل گاستريت نەمەسە باۋىر اۋرۋلارىنان حابار بەرەدى. تۇششى تاعام ءتۇيىلۋدى جانە اسقازاننىڭ اۋرۋىن باسادى. 
تاماق تۇششى سياقتى كورىنسە 
بۇل – كۇيزەلىستىڭ بەلگىسى. 
پىستەگە قۇمارتۋ 
اعزادا انتيوكسيدانتتاردىڭ جەتىسپەۋشىلىگىن بىلدىرەدى. 
قىشقىلعا قۇمارتۋ 
ءوت قابى مەن باۋىردىڭ جۇمىسىن جاقسارتۋ ءۇشىن ليمون مەن مۇكجيدەكتى اس مازىرىنە قوسۋ كەرەك. 
اششىعا قۇمارتۋ 
اسقازان-ىشەك جولدارىنداعى جايسىزدىقتان حاباردار ەتەدى. اعزانى تازارتۋ كەرەك. 
وتكىر اششىعا (وسترىي) قۇمارتۋ 
ول اس قورىتۋدى رەتتەيدى، ءبىراق وتكىر اششى تاعامداردى اش قۇرساققا جەۋگە بولمايدى جانە مولشەردەن اسىرماۋ ماڭىزدى. 
تەڭىز ونىمدەرىنە قۇمارتۋ 
اعزادا يود تاپشىلىعىن بىلدىرەدى.