ساۋد ارابياداعى جىگىت باستالۋىنا از عانا مينۋت قالعان ءوزىنىڭ ۇيلەنۋ تويىنان كەتىپ قالدى، — دەپ جازادى Qamshy.kz اقپارات اگەنتتىگى islamnews.ru سايتىنا سىلتەمە جاساي وتىرىپ. سەبەبى، وعان قالىڭدىقتىڭ اكەسى  قىزىنىڭ كولىك ايداۋدى ارمانداپ جۇرگەنىن ەسكەرتكەن.

قالىندىقتىڭ اكەسى كۇيەۋ بالاسىنا «2018 جىلى ماۋسىمنان باستاپ ايەلدەردىڭ كولىك ايداۋىنا زاڭ بويىنشا رۇقسات بەرىلگەن كەزدە قىزىمنىڭ كولىك ايداۋىنا بوگەت بولما»، — دەپ تالاپ قويعان.  وسى وقيعادان كەيىن كۇيەۋ جىگىت اشۋلانىپ، اتا-اناسى مەن جينالعان قوناقتارعا ەسكەرتپەي تويدان كەتىپ قالعان.

توي بولاردىڭ الدىندا كۇيەۋ جىگىت پەن قالىڭدىقتىڭ وتباسى اقىلداسىپ، كەلىسىمگە كەلگەن. سول كەزدە جىگىت ءوز ايەلىنىڭ جۇمىس جاساۋىنا كەدەرگى بولمايتىنىن ايتقان.

الايدا  جۇمىس جاساۋىنا قارسى بولماسا دا، كولىك جۇرگىزۋىنە قارسى بولعان كۇيەۋ جىگىتتى تويدان كەيىن دە ەشكىم رايىنان قايتارا المادى. ساۋديالىق جىگىت سول كۇيى كولىك جۇرگىزۋدى ارمانداپ جۇرگەن قالىڭدىقتان باس تارتتى.

ايتا كەتەتىن بولساق ساۋديالىق جىگىتتەردىڭ كوبىسى ايەلدەردىڭ كولىك جۇرگىزۋىنە قاتىستى زاڭنىڭ شىعۋىنا قارسى بولىپ وتىر.