قازاقستاندا اليمەنت تولەمەگەن اكەلەردى جۇرگىزۋشى كۋالىگىنەن ايىرۋ تۋرالى شەشىم شىقتى. بۇل تۋرالى Qamshy.kz اقپارات اگەنتتىگى كۋرسيۆ سايتىنا سىلتەمە بەرە وتىرىپ جازادى.

رەسپۋبليكالىق اكەلەر فورۋمىندا ءسوز سويلەگەن ق ر وتباسى جانە ايەلدەر ىستەرى جونىندەگى ۇلتتىق كوميسسياسى ءتوراعاسىنىڭ ورىنباسارى ەلەنا تاراسەنكو  بۇگىن ەلىمىزدە جالپى بورىشكەرلەر تىزىمىندە تۇرعان ەر ازاماتتارعا قارسى شەكتەۋ شارالارى ىسكە اسىرىپ جاتقاندىعى جونىندە ايتتى.

«شەشىمدە مىناداي شەكتەۋلەر قويىلادى:  ليسەنزيا بەرىلمەيدى  جانە توقتاتىلادى، ەرەكشە قۇقىقتارىنان ايىرىلۋ، ەلەكتروندى ساۋدادا مۇلىكتى رەاليزاسيالاۋدى بولدىرماۋ. وعان قوسا جۇرگىزۋشى كۋالىكتەرىن توقتاتۋ»،-دەدى ەلەنا تاراسەنكو.

تاراسەنكو مالىمدەمەگسىنە سۇيەنسەك، سوڭعى ەكى جىلدا 14،5 مىڭ بورىشكەر ءوز مىندەتتەرىن وتەۋ ءۇشىن جۇمىسپەن قامتىلعان. ال جالعىزباستى انالار اليمەنت تولەۋگە ءتيىستى اكەلەر جونىندە اقپارات جينامايتىن بولادى.

ەلەنا تاراسەنكونىڭ ايتۋىنشا، رەسپۋبليكامىزدا اجىراسۋ تەندەنسياسى جوعارى جانە نەكەسىز تۋىلعان بالالاردىڭ سانى كوبەيۋدە.