قازاقستاندىق عالامتور پايدالانۋشىلارى قىلىقتارىنىڭ ەرەكشەلىكتەرىن Google تاپسىرىسى بويىنشا  KANTAR TNS  كومپانياسى جاڭا عالامدىق زەرتتەۋ جاساعان دەپ جازادى Qamshy.kz

بۇل زەرتتەۋ عالامتور جەلىسىندە 16 جاستان باستالاتىن جاس مولشەرىندەگى قازاقستاندىق پايدالانۋشىلاردىڭ مىنەز-قۇلىقتارى تۋرالى كورىنىس الۋ مۇمكىندىگىن بەرەدى.

«ءبىز قازاقستاندىقتاردىڭ نە ماقساتتا جەلىگە كىرەتىندىگىن، قانشالىقتى ءجيى كىرەتىندىكتەرىن جانە وسى ماقساتتار ءۇشىن قانداي قۇرىلعىلارمەن پايدالاتىندىقتارىن كورە الامىز. زەرتتەۋ الەمنىڭ 63 ەلىندە وتكىزىلگەن، وزگە ەلدەر بويىنشا زەرتتەۋ ناتيجەلەرى Consumer Barometer ساراپتامالىق ونلاين-قۇرالى تۇرىندە ۇسىنىلعان»، - دەيدى زەرتتەۋشىلەر.

زەرتتەۋ ناتيجەلەرى قازاقستاندىقتاردىڭ جۇيەلى تۇردە 74% عالامتورمەن جەكە ماقساتتار ءۇشىن قولداناتىندىقتارىن كورسەتتى. عالامدىق دەڭگەيدە سالىستىراتىن بولساق، بۇل سان 82% قۇرايدى. ەڭ بەلسەندى پايدالانۋشىلاردىڭ جاس مولشەرى 25-34 جانە 35-44 جاستاعىلار (سايكەسىنشە 30% جانە 20%). الايدا ونلاين پايدالانۋشىلارىنىڭ جاس شاماسى جاستار دەگەن بولجامعا قاراماستان، قازاقستاندىقتار اراسىندا عالامتور پايدالانۋدى جاس شاماسىنا قاراي ۇلەستىرۋدە جەتكىلىكتى تۇردە بىركەلكى. عالامتور ‒ بۇل كەز-كەلگەن جاس شاماسىنداعى ادامداردىڭ تىلدەسۋىنە جاعداي جاسايتىن ورتا. 

 سونىمەن قاتار، زەرتتەۋ ناتيجەلەرى قازاقستاندا جەلىنى بەلسەندى پايدالاناتىندار ەر ادامدار 47% جانە سايكەسىنشە ايەل ادامدار 53% بولىپ تابىلاتىندىعىن كورسەتتى.

عالامتورعا قوسىلعان قۇرىلعىلاردىڭ ەكوجۇيەسى ءارتۇرلى جانە ءار ادام بىرنەشە قۇرىلعىلاردى پايدالاتىندىعىمەن شارتتالعان. وسىلايشا بۇگىنگى تاڭدا ءبىر قازاقستاندىققا 1،7 عالامتورعا قوسىلعان قۇرىلعى كەلەدى.

 سونىمەن بىرگە قازاقستاندىقتار عالامتورعا كىرۋدى ۇسىناتىن قۇرىلعىلاردىڭ سانىن كوبەيتۋدە: وسىلاي، 64% سمارتفوندارمەن پايدالانادى، 26% ‒ نوۋتبۋكتارمەن، 10% ‒ سمارت تۆ. بۇدان باسقا قازاقستاندىقتار نەتبۋكتارمەن جانە پلانشەتتارمەن، ەلەكتروندى كىتاپتارمەن، سمارت-ساعاتتارمەن جانە ترەكەرلەرمەن بەلسەندى قولدانادى، اتالعان قۇرىلعىلاردىڭ بارلىعى عالامتورعا كىرۋ مۇمكىندىگىن ۇسىنادى.

بىرنەشە جىل بويى قازاقستاندا عالامتورمەن پايدالانۋ ءۇشىن سمارتفونداردى ارتىق كورەتىن قازاقستاندىقتاردىڭ سانىنىڭ ارتىپ كەلە جاتقىندىعى بايقالادى. سمارتفوندارعا جاسالعان مۇنداي بەيىمدەلۋ پايدالانۋشىلاردىڭ ونلاين قىلىقتارىنا ىقپال ەتەدى. وسىلايشا سمارتفون ارقىلى جاسالاتىن ونلاين شوپينگ ءجيى قولدانىلادى – بۇگىندە عالامتوردان كومپيۋتەر ارقىلى جانە سمارتفون ارقىلى زاتتار ساتىپ الاتىن، جاس شاماسى 16 جاستان جوعارى قازاقستاندىق ونلاين پايدالانۋشىلاردىڭ ۇلەسى بىردەي، جانە 16% قۇرايدى.

سونىمەن بىرگە ۇيالى تەحنولوگيالار بەينەكونتەنتتى ونلاين قاراۋ پروسەسىن دە وزگەرتەدى: سمارتفونداردان قاراۋ سانى ۇلعايۋدا. وسىلايشا 2017 جىلى جاس شاماسى 16 جاستان جوعارى قازاقستاندىقتاردىڭ 58% كومپيۋتەردەندە، سمارتفوننان دا بىردەي جيىلىكتە عالامتورداعى بەينەلەردى قارايدى.

 قازاقستاندىقتاردىڭ عالامتورداعى ۋاقىت وتكىزۋى عالامدىق ۇردىستەرمەن سايكەس كەلەدى. وسىلايشا قازاقستاندىق ونلاين – پايدالانۋشىلار ءبىرىنشى كەزەكتە كوڭىل كوتەرەدى  (72%)، عالامتوردان اقپارات ىزدەيدى (75%) جانە قويىلعان تاپسىرمالاردى ونلاين ورىندايدى (54%)، سونىمەن قاتار ونلاين-كونتەنت ورنالاستىرادى (20%)، ونلاين نەنى قالاي جاساۋ كەرەكتىگىن كورسەتىپ، وزگەلەرگە كومەكتەسەدى (36%).

KANTAR TNS  وتكىزگەن Connected Consumer Study زەرتتەۋلەرىنىڭ كەزىندە الەمنىڭ 63 ەلىنەن اساتىن سۇحباتكەرلەرىنە سۇراق قويىلعان.