نۇرسۇلتان نازاربايەۆ ۆلاديمير ءپۋتيندى قازاقستان رەسپۋبليكاسى مەن رەسەي فەدەراسياسى اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولۋىمەن قۇتتىقتادى دەپ حابارلايدى Qamshy.kz اقپارات اگەنتتىگى.

«ءبىزدىڭ مەملەكەتارالىق قارىم-قاتىناستارىمىز 2013 جىلعى 11 قاراشاداعى ءححى عاسىرداعى تاتۋ كورشىلەستىك پەن وداقتاستىق تۋرالى ەكىجاقتى شارتتىڭ اياسىندا جانە سونىڭ ەرەجەلەرىنە ساي دامىپ كەلە جاتقانى قۋانتادى.

ەلدەرىمىز اراسىنداعى ەۋرازيالىق ەكونوميكالىق وداق، ۇجىمدىق قاۋىپسىزدىك شارت ۇيىمى، تمد، شىۇ، بۇۇ جانە باسقا دا كوپجاقتى قۇرىلىمدار اياسىنداعى ىنتىماقتاستىق استانا مەن ماسكەۋدىڭ سەنىم مەن ءوزارا تۇسىنىستىككە نەگىزدەلگەن ستراتەگيالىق ارىپتەستىگىن دامىتۋدىڭ ماڭىزدى بولىگى بولىپ سانالادى.

مەن ارامىزدا قالىپتاسقان شىنايى جەكە قارىم-قاتىناستى دا جوعارى باعالايمىن. بۇل رەتتە، ىنتىماقتاستىعىمىزدى ودان ءارى نىعايتۋ باعىتى حالىقتارىمىز تاراپىنان كەڭىنەن قولداۋ تاۋىپ وتىرعانى ماڭىزدى»، – دەلىنگەن جەدەلحاتتا.

سوڭىندا قازاقستان پرەزيدەنتى رەسەي پرەزيدەنتىنە زور دەنساۋلىق، العا قويعان جوسپارلارىن جۇزەگە اسىرۋ جولىندا تولاعاي تابىس تىلەپ، دوستاس رەسەي حالقىنىڭ ودان ءارى وسىپ-وركەندەۋىنە نيەتتەستىك ءبىلدىردى.