جۇلدىزداردى تويعا شاقىرۋ قۇنى ولاردىڭ تانىمالدىلىعىنا بايلانىستى. ماسەلەن، قازاقستانداعى ءنومىرى ءبىرىنشى سۇرانىسقا يە ازىلكەش تۇرسىنبەك قاباتوۆتى تويعا شاقىرامىن دەسەڭىز ءبىراز شىعىنداناتىنىڭىزدى ءبىلىپ قويىڭىز. 

كەز كەلگەن توي مۋزىكاسىز، ءبيسىز جانە وتكىر ءازىلسىز وتپەيتىنى بەلگىلى. سول سەبەپتى، تانىمال ءانشى مەن ازىلكەشتەردى تويعا شاقىرۋدىڭ قۇنىن Qamshy.kz اقپارات اگەنتتىگى Zakon.kz سايتىنا سىلتەمە بەرە وتىرىپ نازارلارىڭىزعا ۇسىنادى.

تويعا ءار-تۇرلى ءانشىنى شاقىرۋعا بولادى، ەگەر ول تانىمال بولماسا، وندا توي جۇرگىزۋشىسى مىقتى ازىلكەش بولۋى كەرەك. ال جۇرتتان ۇيات بولماسىن دەسەڭىز، وندا كەرەمەت جۇلدىزداردى شاقىرۋ كەرەك. قانشالىقتى تانىمال بولسا، سونشالىقتى مىقتى توي بولاتىندىعى ءسوزسىز.  

ارتىستەرگە تولەنەتىن قارجى بىرەۋدىڭ قالتاسىن كوتەرمەسە، وزگەلەرىنە ول تۇك تە ەمەس. ەلدە داعدارىس بولىپ جاتسا دا، باستىسى «جۇرت نە دەيتىندىگىن» ەسكەرۋ. سوندىقتان، كوپتەگەن قازاقستاندىقتار اقشا جينايدى نەمەسە نەسيە الادى. ولار تويعا كەتكەن شىعىندى جۇرت اكەلگەن تويانانىڭ جابۋى مۇمكىندىگىنە سەنىپ، ناعىز توي جاسايدى.

جوعارىدا اتاپ وتكەندەي، جۇلدىزداردىڭ قۇنى ولاردىڭ تانىمالدىلىعىنا بايلانىستى. ماسەلەن بەلگىلى ازىلكەش تۇرسىنبەك قاباتوۆتى ءبىر تويعا شاقىرۋ ءۇشىن 15 مىڭ اقش دوللارى قاجەت. ال ەڭ تانىمال «كامىزياك» ازامات مۇساعالييەۆتىڭ باعاسى شە؟ وعان قوسا، بۇدان دا باسقا ازىلكەشتەر دانيار ءجۇمادىلوۆ، قۇمار لۇقمان جانە گۋلنارا سيلبايەۆالار بار. «سپارتا» كومانداسىنىڭ كاپيتانى دانيار ءجۇمادىلوۆ ءوزىنىڭ جۇرگىزۋشىسىمەن بىرگە تويدى 1 ميلليون تەڭگەگە دۇرىستاپ وتكىزىپ بەرەدى. بارلىق نومىرلەر بۇل باعاعا كىرەدى. ەگەر ءوز تويىڭىزدا «سپارتاندىقتار» مەن «قازاقتاردى» كورگىڭىز كەلسە، ولارعا تولەيتىن سوما دا ارتا بەرمەك، ياعني ءبىر ءارتىستىڭ قۇنى 1 ميلليون تەڭگەدەن.

سوڭعى كەزدەرى ەڭ قىمبات توي ءانشىسى ديماش قۇدايبەرگەن بولۋى مۇمكىن. ونىڭ قۇنى $50-70 مىڭ، الايدا مەرەكە ۇيىمداستىرۋشىلارىنىڭ ايتۋىنشا، ديماش تويعا شىعۋدى دوعارىپ، تەك كونسەرتتەردە عانا ونەر كورسەتۋدى شەشكەن.

وتاندىق پوپ مۋزىكانىڭ پاتشاسى قايرات نۇرتاس بولسا، ديماشتان 10 ەسە از الادى ($7 مىڭ). جارتى ساعاتتا ول 5-6 ءانىن ايتىپ كەتەدى. ءدال وسى سومانى تورەعالي ءتورالى، نۇرلان ابدۋللين جانە مادينا ءسادۋاقاسوۆالار سۇرايدى. ال دينارا ساتجاننىڭ قىزمەتى $5 مىڭ تۇرادى.

ال رەسەيدىڭ ەڭ مىقتى رەپەرى سكريپتونيت جانە L-ONE، مەرەكەلىك ءىس-شارانىڭ قانداي بولاتىندىعىنا بايلانىستا ءوز باعاسىن ۇسىنادى، ولار $15 مىڭ شاماسىندا الادى. Jah Khalib پەن موناتيك بولسا، 20-25 مىڭ ەۆروعا ونەر كورسەتسە، مس سايلاۋبەك $1 مىڭعا تويىڭىزعا كەلۋگە ءازىر.

وكىنىشكە وراي، «شىمكەنتتىڭ قىزدارى» ءانىن ورىنداۋشىسىنىڭ باعاسىن بىلە المادىق دەيدى Zakon.kz، ولاردىڭ «زىڭ زىڭ» تەڭگە سۇراۋى ابدەن مۇمكىن.

ورىس ارتىستەرىنىڭ باعاسىمەن سالىستىرعاندا، قازاق جۇلدىزدارىنىڭ باعاسى الدەقايدا ارزان. ماسەلەن جۇرگىزۋشى يۆان ۋرگانت پەن لەرا كۋدرياۆسيەۆا €50 مىڭ، ال جارتى ساعاتقا ونەر كورسەتۋ ءۇشىن ستاس ميحايلوۆ €70 مىڭ الادى. سونىمەن قاتار سۆەتلانا لوبودا €50 السا، پولينا گاگارينا €40 الادى.

بۇل باعالار event-اگەنتتىكتەردىڭ قىزمەت باعالارى بويىنشا جاسالدى. ال وزگە قالاعا جول ءجۇرۋ مەن تۇراتىن ءقوناقۇيدىڭ باعاسى بولەك تولەنەدى.