اقش بيلىگى راكحاين شتاتىندا «ادام قۇقىقتارىنىڭ بۇزىلۋىنا» بايلانىستى ميانماعا قارسى سانكسيالار ەنگىزۋى مۇمكىن، دەپ Qamshy.kz اقپارات اگەنتتىگى Baq.kz سايتىنا سىلتەمە جاساپ حابارلايدى.
«ءبىز جاۋاپكەرشىلىككە تارتۋ مەحانيزمدەرىن زەرتتەپ جاتىرمىز. ول اقش زاڭناماسى، ونىڭ ىشىندە ماقساتتى ەنگىزىلەتىن عالامدىق سانكسيانى ماگنيتتىك زاڭ جوبا نەگىزىندە قاراستىرامىز»، - دەلىنگەن اقش-تىڭ مەملەكەتتىك دەپارتامەنتى تاراتقان حابارلامادا.
سونىمەن قاتار، اتالمىش دەپارتامەنت ميانما ۇكىمەتى مەن ونىڭ قارۋلى كۇشتەرى شۇعىل تۇردە ەلدەگى بەيبىتشىلىك پەن قاۋىپسىزدىك ساقتاۋ ءۇشىن ءتيىستى شارالاردى جۇرگىزۋى قاجەت.
سونداي-اق، اقش-تىڭ مەملەكەتتىك دەپارتامەنتى ميانما اسكەرلەرىنە كومەكتى شەكتەگەنىن اتاپ ءوتتى.
ەستەرىڭىزگە سالا كەتەيىك، وسىعان دەيىن وسى جىلدىڭ تامىز ايىنىڭ سوڭىندا «اراكان روحيندجالارىن قۇتقارۋ ارمياسىنىڭ» (ARSA) بىرنەشە پوليسيا ۋچاسكەسى مەن اسكەري بازاعا شابۋىل جاساعانىن، بۇل جاعدايدى ودان ءارى ۋشىقتىرىپ جىبەرگەنىن جازعان بولاتىنبىز. وسى ارەكەتتىڭ سالدارىنان ميانما اسكەرلەرى مەن بۋدديست ەرىكتىلەرى روحيندجا حالقىن اياۋسىز قىرىپ، راكحاين شتاتىنداعى اۋىلداردى ورتەپ جىبەرگەن.
