مەملەكەت باسشىسى نۇرسۇلتان نازاربايەۆ سي سزينپينگە جۇڭگو كوممۋنيستىك پارتياسى ورتالىق كوميتەتىنىڭ باس حاتشىسى قىزمەتىنە قايتا سايلانۋىنا بايلانىستى قۇتتىقتاۋ جەدەلحاتىن جولدادى،- دەپ Qamshy.kz اقپارات اگەنتتىگى اقوردا سايتىنا سىلتەمە بەرە وتىرىپ جازادى.
نۇرسۇلتان نازاربايەۆ سي ءسزينپيندى جۇڭگو كوممۋنيستىك پارتياسى ورتالىق كوميتەتىنىڭ باس حاتشىسى قىزمەتىنە قايتا سايلانۋىمەن قۇتتىقتادى.
«ءسىزدىڭ باسشىلىعىڭىزبەن جۇڭگو كوممۋنيستىك پارتياسى ەلدىڭ الەۋمەتتىك-ەكونوميكالىق دامۋىن قامتاماسىز ەتۋ جانە حالىقتىڭ ءال-اۋقاتىن جاقسارتۋ بارىسىندا ەلەۋلى جەتىستىكتەرگە جەتتى.
سىزگە دوستاس جۇڭگو مەملەكەتىنىڭ حالىقارالىق بەدەلى مەن الەۋمەتتىك-ەكونوميكالىق قۋاتىن ارتتىرۋ جولىنداعى دامىلسىز ءارى جاسامپاز ەڭبەگىڭىزگە ساتتىلىك تىلەيمىن.
قازاقستان مەن جۇڭگو اراسىنداعى جان-جاقتى ستراتەگيالىق قارىم-قاتىناستار الداعى ۋاقىتتا دا قارقىندى داميتىنىنا، سونداي-اق حالىقتارىمىزدىڭ دوستىعى نىعايا تۇسەتىنىنە سەنىم بىلدىرەمىن»، – دەلىنگەن جەدەلحاتتا.
سوڭىندا قازاقستان پرەزيدەنتى نۇرسۇلتان نازاربايەۆ سي سزينپينگە زور دەنساۋلىق پەن اماندىق تىلەپ، دوستاس جۇڭگو حالقىنىڭ وسىپ-وركەندەي بەرۋىنە نيەتتەستىگىن ءبىلدىردى.
