25-شى قازاندا الماتىدا قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ ۇيىمداستىرۋىمەن شىعارماشىل جاستاردىڭ «جاسSTAR» VIII حالىقارالىق فەستيۆالى ءوز جۇمىسىن باستايدى. مازمۇندى شەبەرلىك ساباقتارى، لەكسيالار جانە شىعارماشىلىق كەزدەسۋلەردىڭ ارقاسىندا قازاقستاننىڭ، كانادانىڭ، ۆەنگريانىڭ، رەسەيدىڭ جانە فرانسيانىڭ بەلگىلى مادەنيەت جانە ونەر قايراتكەرلەرى ەلىمىزدىڭ  كەلەشەكتى جاستارىمەن ءوز تاجىريبەسىمەن جانە بىلىمدەرىمەن بولىسەدى. فەستيۆال مەملەكەت باسشىسىنىڭ «رۋحاني جاڭعىرۋ» باعدارلاماسىنىڭ اياسىندا وتەدى دەپ جازادى Qamshy.kz اقپارات اگەنتتىگى ن. نازاربايەۆ قورىنىڭ ءباسپسوز قىزمەتىنە سىلتەمە جاساپ.

«جاسSTAR» فەستيۆالى – شىعاماشىلىق ماماندىقتى تاڭداعان ستۋدەنتتەر جانە بەلسەندى جاستار ءۇشىن ءبىلىم بەرەتىن ءىرى مادەني وقيعا. سەگىز جىلدان بەرى ن. نازاربايەۆ قورىنىڭ جوباسى مادەنيەت جانە ونەر قايراتكەرلەرىنىڭ قازاقستاننىڭ كەلەكشەكتى شىعارماشىل جاستارىمەن ءوزارا ىس-ارەكەت ەتۋگە جانە تاجىريبە الماسۋعا ارنالعان بىرەگەي الاڭىنا اينالدى.

- مەملەكەت باسشىسى ءوزىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا «رۋحاني جاڭعىرۋدىڭ العى شارتى - ءوز مادەنيەتىمىزدى، ءوزىمىزىدىڭ ۇلتتىق كودىمىزدى ساقتاپ قالۋ» دەپ اتاپ ءوتتى. «جاسSTAR» فەستيۆالىنىڭ تۇجىرىمداماسى تۋرالى ايتاتىن بولساق، ول مىناداي پرينسيپتەرگە نەگىزدەلگەن: مادەني داستۇرلەردى، ۇلتتىق بىرگەيلىكتى ساقتاۋ، بىلىمگە دەگەن قۇلشىنىس، سانانىڭ اشىقتىعى جانە الەمدىك مادەنيەتتى قابىلداۋعا دايىن بولۋ، - دەپ اتاپ ءوتتى قوردىڭ الماتى قالاسىنداعى وكىلدىگىنىڭ ديرەكتورى سەرگەي توحتاروۆ.

فەستيۆال جاستاردىڭ شىعارماشىلىق باستامالارىن قولداۋعا باعىتتالعان. ونىڭ باستى ماقساتى –جاستار اراسىندا مادەنيەتتىڭ دامۋىنا ىقپال ەتۋ، سونداي-اق جاس جانە دارىندى مادەنيەت قايراتكەرلەرىنە شىعارماشىلىق جاعىنان ءوسىپ - وركەندەۋىنە كومەك كورسەتۋ.

فەستيۆال جاس سۋرەتشىلەردىڭ «بولاشاققا كوزقاراس»  اتتى كورمەسىنىڭ اشىلۋىمەن باستالادى. كورمەگە قازاقستاننىڭ بارلىق وڭىرلەرىنەن كەلگەن اۆتورلاردىڭ ەڭبەكتەرى ۇسىنىلادى. فەستيۆالدىڭ ارقاسىندا ستانوكتىك كوركەم سۋرەت، پورترەت جانە پەيزاج جانرلارىن قالايتىندارعا رەسەيدىڭ، ۋكراينانىڭ، قىرعىزستاننىڭ جانە وزبەكستاننىڭ جاس سۋرەتشىلەرىمەن كەزدەسۋگە مۇمكىندىك بولادى.

فەستيۆالدىڭ باعدارلاماسىنا ءداستىر بويىنشا كينو، حورەوگرافيا ونەرى، تەاتر، مۋلتيپليكاسيا، مۋزىكا، كوركەم سۋرەت تۋرالى قىزىقتى شەبەرلىك ساباقتارى مەن لەكسيالار ەنگىزىلگەن. ق ر سۋرەتشىلەر وداعىنىڭ مۇشەسى عاني بايانوۆ، «جىگىتتەر» تانىمال كۆارتەتىنە  قاتىسۋشىلار، Instagram-داعى بەلگىلى ۆاينەرلەر، «بەزۋمنايا جەنششينا» جانە «شاكو» بەينەسىمەن الەۋمەتتىك جەلىگە جازىلعاندارعا تانىمال نۇرلان باتىروۆ جانە ءشارىپ سەرىك، كانادادان كەلگەن ارت-مەنەدجمەنت بويىنشا جاتتىقتىرۋشى ليديا ۆاربانوۆا ونەردەگى سيفرلىق تەحنولوگيالار تۋرالى لەكسيالار جانە جانە ترەنينگتەر وتكىزەدى، ۆەنگر وپەرا تەاترىنىڭ جۇلدىزى ءالي تانىقپايەۆا، ق ر تۇڭعىش پرەزيدەنتىنڭ ءرولىن ويناعان بەرىك ايتجانوۆ، كينورەجيسسەر، س. گەراسيموۆ اتىنداعى بمكي شەبەرحاناسىنىڭ باسشىسى الەكساندر كوتت وزدەرىنىڭ شىعارماشىلىعى جانە ماماندىعىنىڭ قۇپيالارى تۋرالى بولىسەدى.

سونداي-اق فەستيۆالدە قازاقستان انيماسياسىنىڭ 50 جىلدىعىنا ارنالعان  وتاندىق مۋلتفيلمدەر كورسەتىلەدى جانە «زامانۋي جاستار كينوسىنىڭ باعدارى، كوركەمدىك دەڭگەيى جانە جاڭا ۇردىستەگى پروبلەمالارى» اتتى دوڭگەلەك ۇستەل وتكىزىلەدى.

فەستيۆال جاك وففەنباحتىڭ «پاريج ءومىرى» وپەرەتتاسىمەن اياقتالادى، ونى اتاقتى فرانسۋز ديريجەرى فيليپپ يۋي-مەن جۇرگىزگەن جۇمىستارىنىڭ ناتيجەسى رەتىندە قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتەرى ورىندايدى.