ۇلىبريتانيادا مۇسىلمان جىگىتتەردىڭ ەكىنشى ايەل الۋىنا كومەكتەسەتىن جاڭا ۆەب-سايت اشىلدى، — دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
اتالعان سايتتان تەك ەكىنشى ايەل عانا ەمەس، ءۇشىنشى نەمەسە ءتورتىنشى ايەل ىزدەۋگە دە مۇمكىندىك بار. Secondwife.com سايتى جاقىندا عانا ىسكە قوسىلسا دا، ءقازىردىڭ وزىندە پورتالعا 100 مىڭنان استام ەركەك تىركەلىپ ۇلگەرگەن. ولاردىڭ كوبىسى ۇيلەنگەن جانە اجىراسقىسى كەلمەيدى. الايدا ەكىنشى نەمەسە ءۇشىنشى ايەل العىسى كەلەدى.
«ۇيلەنگەن ەركەكتەردىڭ تاعى ءبىر ايەلمەن كوڭىل قوسقىسى كەلۋى قالىپتى جاعداي. ال بۇل جاعدايدى ىسكە اسىرۋدىڭ ەكى جولى بار. ءبىرىنشىسى، شاريعاتقا قارسى جول، ياعني كوڭىلدەس تاۋىپ الۋ، ەكىنشى دۇرىس جولى العاشقى ايەلدىڭ رۇقساتىمەن تاعى ءبىر ايەلمەن كوڭىل جاراستىرۋ. بۇل – ەڭ دۇرىس جول»، — دەيدى سايتتى جەتەكشىسى ازاد چايۆالا.
ازاد چايۆالانىڭ ايتۋىنشا، پورتالعا ءوزىنىڭ كۇيەۋىنە ەكىنشى ايەل ىزدەگەن ايەلدەر دە حابارلاسادى ەكەن. سونىمەن بىرگە ءتورتىنشى ايەل العىسى كەلگەن ەركەكتەردىڭ دە سانى كوپ ەكەنىن ايتتى ازاد چايۆالا.
