«قىرعىز مەملەكەتى باقىتجان ساعىنتايەۆتىڭ سوزدەرىنە بايلانىستى ارنايى مالىمدەمە جاسايدى. سەبەبى ءبىزدىڭ دە ايتارىمىز بار»، - دەپ مالىمدەدى قىرعىزستاننىڭ پرەمەر-مينيسترى ساپار يساكوۆ ەريەۆاندا (ارمەنيا) وتكەن ەاەو ۇكىمەتارالىق كەڭەستىڭ وتىرىسىندا دەپ جازادى Qamshy.kz اقپارات اگەنتتىگى ازاتىققا سىلتەمە جاساپ.
"مەنىڭ تەك ءبىر عانا ايتارىم، شەكاراداعى ۇزىن-سونار كەزەك ەكى ەلدىڭ ازاماتتارىنىڭ دا اشۋ-ىزاسىن تۋعىزىپ وتىر. شەكارادان تەك عانا قىرعىز كولىكتەرى ەمەس، قازاقستاندىق، ءۇشىنشى ەلدىڭ دە كولىكتەرى وتەدى"، - دەدى قىرعىز پرەمەرى.
ەسكە سالا كەتەيىك، قازاقستاننىڭ ۇكىمەت باسشىسى شەكاراداعى جاعدايعا قاتىستى تەكسەرۋ ادەيى جاسالماعانىن، بۇرىننان بەرى ايتىلىپ كەلە جاتقانىن، قىرعىز تاراپتان زاڭ بۇزۋشىلىقتار ورىن الاتىنى دالەلدەنىپ جاتقانىن ايتقان.
