استانا قالاسىندا وڭىرلىك ءاقپاراپتتىق-تۇسىندىرۋ توبىنىڭ مۇشەلەرىنە ارنالعان «حالىقتىڭ ءدىنتانۋ ساۋاتتىلىعىن ارتتىرۋ ماسەلەلەرى بويىنشا ءاقپاراتتىق-تۇسىندىرۋ جۇمىستارىنىڭ تيىمدىلىگى» تاقىرىبى بويىنشا ەكىكۇندىك وقىتۋ سيمينارى  ءوتتى دەپ حابارلايدى Qamshy.kz اقپارات اگەنتتىگى.

ءىس-شارانى قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىننىڭ ءدىن ىستەرى كوميتەتى ۇيىمداستىردى.

سەميناردىڭ باستى ماقساتى  ءدىن سالاسىندا مەملەكەتتىك ساياساتتىڭ جۇزەگە اسىرۋ ماسەلەلەرى بويىنشا ءاقپاراتتىق-تۇسىندىرۋ توبىنىڭ ءتيىمدى جۇمىس ىستەۋ ادىستەرىن انىقتاۋ مەن تالقىلاۋ.

اتالعان ءىس-شاراعا 100-گە جۋىق ادام قاتىستى. ونىڭ ىشىندە ق ر ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتى باسشىلىعى، ق ر ءبىلىم جانە عىلىم مينيسترلىگىنىڭ وكىلدەرى، ق ر قلتتىق قاۋىپسىزدىك كوميتەتى تەرروريزمگە قارسى ورتالىعىنىڭ وكىلدەرى، مادەنيتەتتەر مەن دىندەردىڭ حالىقارالىق ورتالىعى، وڭىرلىك ءدىن ىستەرى باسقارمالارى جانە ءدىن پروبلەمالارىن  زەرتتەۋ ورتالىعىنىڭ باسشىلارى، ءاقپاراتتىق-تۇسىندىرۋ توبىنىڭ مۇشەلەرى، بارلىق وڭىردەن عالىمدار، تەولوگتار، ءدىنتانۋشىلار قاتىستى.

سەميناردىڭ ءبىرىنشى كۇنى ءدىن ىستەرى كوميتەتى ءتوراعاسىنىڭ مىندەتىن اتقارۋشى ە.ا وڭعاربايەۆ ءوز سوزىندە: «ەكسترەميزممەن كۇرەستىڭ باستى قۇرالى رەتىندە اقپاراتتىق ءتۇسىندىرۋ توپتارى جۇمىستارىنىڭ تيىمدىلىگىن ارتتىرۋ قاجەت»،− دەدى. ول، سونىمەن قاتار سەميناردا العان ءبىلىمدى كوپشىلىك ىشىندەگى ارنايى توپتارمەن جۇمىس جۇرگىزۋدە پايدالانۋدى ۇسىندى.

سونىمەن قاتار، بۇل كۇنى سەميناردا ل.ن.گۋميليەۆ اتىنداعى ەۇۋ-نىڭ «الەۋمەتتىك باسقارۋ تەحنولوگيالارى» كافەدراسىنىڭ پروفەسسورى، ە.ا. شاحانوۆ جانە دە شىعىس قازاقستان وبلىسى بويىنشا «ءدىن پروبلەمالارىن زەرتتەۋ ورتالىعىنىڭ» ديرەكتورى ي.ك. بەركىمبايەۆا ءوز ترەنينگتەرىن وتكىزدى.

سەميناردىڭ ەكىنشى كۇنى وڭىردەگى ءاقپاراتتىق-تۇسىندىرۋ توپتارىنىڭ ءوزارا تاجىريبە الماسۋلارىنا، ءتيىمدى ادىستەرمەن ءتۇسىندىرۋ جۇمىستارىن جۇرگىزۋگە ارنالدى. سونىمەن قاتار، ءوز سوزىندە ءدىن ىستەرى كوميتەتى ءتوراعاسىنىڭ ورىنباسارى ا.س. ءابىلدينوۆا جەكەلەگەن ايماقتاردا حالىق اراسىنداعى ماقساتتى توپتارمەن جۇمىس جۇرگىزۋدەگى تاجىريبەنىڭ ماڭىزدىلىعىن اتاپ ءوتتى.  بۇعان قوسا، ول ءاقپاراتتىق-تۇسىندىرۋ توبىنىڭ مۇشەلەرىمەن  العان بىلىمدەرىن ايماقتاردا بولىسۋگە شاقىردى.

سونداي-اق، قب «اڭسار» وڭالتۋ ورتالىعىنىڭ جەتەكشىسى ا.ق. سابدين قاج مەكەمەلەرىندەگى سوتتالعاندار مەن دەسترۋكتيۆتى ءدىني اعىمداردىڭ قۇرباندارىن وڭالتۋ تاقىرىبىندا ترەنينگ وتكىزدى.

ەكىكۇندىك سەمينار بارىسىندا ءاقپاراتتىق-تۇسىندىرۋ توبىنىڭ قىزمەتىنىڭ تۇيىتكىلدى ماسەلەلەرى بويىنشا پىكىر الماسۋلار ءوتتى. وزەكتى ماسەلەلەر انىقتالدى. ماقساتتى توپتىڭ اراسىندا نەعۇرلىم ءتيىمدى جۇمىس ادىستەرىن جۇرگىزۋ قارالدى.

ءىس-شارا سوڭىندا ق ر ءدىن ىستەرى جانە ازاماتتىق قوعام مينيسترلىگى اتىنان وڭىرلىك ءدىن ىستەرى باسقارماسىنىڭ بەلسەندى مۇشەلەرىنە العىس حاتتار جانە قازىرگى زامانعى گادجەتتەر تابىس ەتىلدى.