رف «ەكونوميكا جانە بيزنەس جوعارعى مەكتەبى» ۇلتتىق زەرتتەۋ ۋنيۆەرسيتەتىنىڭ وقىتۋشىسى، ساياساتتانۋشى گريگوريي لۋكيانەنكو قازاق-قىرعىز اراسىنداعى جاعدايعا بايلانىستى پىكىر ءبىلدىردى، دەپ جازادى Qamshy.kz اقپارات اگەنتتىگى.
Sputnik قىرعىزستان راديوسىنا بەرگەن سۇحباتىندا ساياساتتانۋشى ەكى كورشىلەس مەملەكەتتىڭ ستراتەگيالىق تۇرعىدان ورتاق نەگىزگە ۇمتىلۋ كەرەكتىگىن ايتتى.
«قىرعىزستان مەن قازاقستاننىڭ ساۋدا اينالىمى جاعىنان، مادەني جانە تاريحي تۇستان دا ورتاق بايلانىسى كوپ. بۇل فاكتورلار ەكى ەلدىڭ قارىم-قاتىناسىن تۇراقتاندىرۋعا نەگىز بولۋى ءتيىس»، - دەدى لۋكيانەنكو.
سونداي-اق ەكى ەلدىڭ اراسىنداعى ساياسي قاقىتىعىستى وسى جىلدىڭ اياعىنا دەيىن جالعاسۋى مۇمكىن ەكەندىگىن ەسكەردى.
«سايلاۋ الدى مۇنداي قاقتىعىستاردىڭ ورىن العانى ءبىر جاعىنان دۇرىس تا شىعار. الايدا، قىرعىزستاننىڭ جاڭا باسشىسى سوورونباي جەەنبەكوۆ پەن ونىڭ اكىمشىلىگى قازاقستانمەن اراداعى قاقتىعىستى جويىپ، بۇرىنعىدان دا تەرەڭ بايلانىس ورناتاتىنان سەنىمدىمىن»، - دەدى رەسەيلىك ساراپشى.
