الماتىدا 19-شى قازاندا «Saebiz» اتتى مەيرامحانا اشىلدى. بۇگىنگى تاڭدا ەلدەگى ەڭ وزەكتى تاقىرىپتاردىڭ ءبىرى – لاتىن قارپىنە كوشۋ.  مەيرامحانا اتاۋى ۇكىمەت وتىرىسىندا ۇسىنىلعان  لاتىن ءالىپبيى نۇسقاسى نەگىزىندە جازىلعان. لاتىن قارپىندە بەلگىلى ءبىر مەكەمەگە اتاۋ بەرىلگەنىن ەسكەرە وتىرىپ،  اتالعان  مەيرامحانانى Qamshy.kz اقپارات اگەنتتىگىنىڭ ءجۋرناليسى كورىپ قايتتى.

اتالعان مەيرامحانانىڭ ديرەكتورى ەلەنا گريمينەنكو ءجۋرناليستىڭ سۇراقتارىنا جاۋاپ بەردى.

ەلەنا ۆيكتوروۆنا، ەڭ الدىمەن مەيرامحانانىڭ اشىلۋىمەن قۇتتىقتايمىن! نەگە «Saebiz» دەپ قويدىڭىزدار؟

بۇگىنگى تاڭدا لاتىن قارپىنە كوشۋ ەلدەگى وزەكتى تاقىرىپتاردىڭ ءبىرى. مەملەكەت باسشىسى جينالىستاردىڭ بىرىندە ءسابىز ءسوزىنىڭ لاتىن قارپىندە قالاي جازىلاتىنىن تالداپ كورسەتكەن بولاتىن. سول كۇننەن باستاپ ءسابىز ءسوزى ەل اراسىندا ۇلكەن تالقىلاۋعا ءتۇستى. ءبىر جاعىنان حالىقتىڭ لاتىن گرافيكاسىنا كوشۋىنە باستاما بولسىن دەدىك، ال ەكىنشى جاعىنان تالقىلاۋعا تۇسكەن اتاۋ ارقىلى مەيرامحاناعا كەلۋشىلەردىڭ قاراسىن كوبەيتۋدى ويلادىق.

ءبىرىنشى ورىندا لاتىن قارپىنە كوشۋ تۇردى ما، الدە بيزنەستى دوڭگەلەتىپ اكەتۋ مە؟

شىن جاۋاپ بەرەيىن بە؟ (كۇلىپ). شىندىعىنا كەلسەك، ءبىرىنشى ورىندا بيزنەس تۇردى. مەيرامحانانىڭ اشىلۋىنا 2 اپتا قالعاندا «Saebiz» ءسوزى تالقىعا سالىنىپ جاتتى. سول ساتتە مەيرامحانا اتاۋىن «Saebiz» دەپ قويامىز دەگەن ويعا كەلدىك. ال باستاپقىدا قالاي اتاعىمىز كەلگەنى ءقازىر ماڭىزدى بولماي قالدى. 

ال قازاق ءتىلىن بىلمەيتىندەرگە «Saebiz» ءسوزىنىڭ وقىلۋى ەش قيىندىق تۋدىرىپ جاتقان جوق پا؟ 

مەيرامحانانىڭ اتاۋى ەش قيىندىق تۋدىرىپ جاتقان جوق. ءسابىزدىڭ سۋرەتى دە جازۋدىڭ جانىندا تۇر. "ءسابىز دەگەن نە؟سۇرايتىن ورىس تىلدىلەرگە ءتۇسىندىرىپ وتىرامىز. ال مەيرامحاناعا كەلۋشىلەر اتاۋىنىڭ ءوزىن قايتا-قايتا وقىپ، ىقىلاستارىن تانىتىپ  وتىرادى. بىزگە دە كەرەگى سول.جاقىندا مەملەكەت باسشىسى لاتىن قارپىنە بايلانىستى جارلىققا قول قويدى. تاڭدالعان لاتىن گرافيكاسىنا ساي مەيرامحانا اتاۋىن وزگەرتۋ ويىڭىزدا بار ما؟ 

يا، ول جاڭالىقپەن تانىسپىن. الايدا ازىرگە مەيرامحانا اتاۋىن وزگەرتۋ ويىمىزدا جوق. ەگەر باسقا دا مەيرامحانالار، دەمالىس ورىندارى لاتىن قارپىنە كوشىپ جاتسا، ءبىز دە قالىسپايمىز دەگەن ويدامىن. ونى ۋاقىتتىڭ ەنشىسىنە قالدىردىق. كەلۋشىلەرگە مەيرامحانا اتاۋى ۇنايدى جانە ءبىزدىڭ باسقا دا مەيرامحانالار ءوز اتاۋىمەن ەرەكشەلەنەدى. ماسەلەن، "لاريسس يۆاننۋ حاچۋ". ەندى ول  «Saebiz» اتاۋىمەن تولىقتى. 

مەيرامحانا ىشىندە قازاقى ناقىشتاعى ويۋ ەرەكشە كوزگە تۇسەدى. يدەيا اۆتورى كىم؟

مەيرامحانا ءىشىن بەزەندىرۋ، اتاۋىن قويۋ سەكىلدى شەشىمدەردى قابىلداعان مەيرامحانا يەسى ەدگار وگانەسوۆيچ. ۇلتتىق ناقىشتى قيالمەن ۇشتاستىرا وتىرىپ ەرەكشە ۇلگىنى جاساپ شىقتىق.  الداعى ۋاقىتقا قانداي جوسپارلارىڭىز بار؟

ۇلتتىق تاعامدار مەن ۆەگەتارياندارعا ارنالعان تاعامداردى مازىرگە قوسۋدى ويلاستىرىپ جاتىرمىز. ال سەنبى جانە جەكسەنبى كۇندەرى مەيرامحاناعا وتباسىمەن كەلۋشىلەردىڭ قاتارى كوبەيىپ كەلەدى. وسىنى ەسكەرە كەلە بالالارعا ارنالعان ءمازىر دە دايىنداماقپىز. 

سۇحباتىڭىزعا راقمەت! ىسىڭىزگە ساتتىلىك تىلەيمىن! 

سۇحباتتاسقان: ايگەرىم تاۋباي