بىشكەكتە تروللەيبۋس ىشىندە بالالار مۋزىكالىق فلەشموب جاسادى، دەپ جازادى Qamshy.kz اقپارات اگەنتتىگى. بايقاعانىمىزداي، مۋزىكالىق انسامبل قازاقتىڭ ايگىلى «اتا تولعاۋى» كومپوزيسياسىن ورىندادى، ءارى اۋەن قىرعىز حالقىنىڭ ۇلتتىق اسپاپتارىمەن ورىندالدى.

وقيعا سارسەنبى كۇنى، 1 قاراشادا №4 تروللەيبۋستىڭ ىشىندە ورىن العان. بەلگىلى كۇيدى جۇمامۋدۋن شەرالييەۆ اتىنداعى №6 ونەر مەكتەبىنىڭ وقۋشىلارى ورىندادى.

ونەر مەكتەبىنىڭ وقىتۋشىسى تولگوناي وسمانوۆانىڭ ايتۋىنشا، ءدال وسى اۋەندى وزدەرى ارنايى تاڭداعان. بۇل قازاقستان مەن قىرعىزستاندى تاتۋلاستىرۋدىڭ بىردەن ءبىر قادامى.

«قازاق پەن قىرعىز حالقى بىرگە بولۋى ءتيىس، ساياسي ماسەلەلەرگە بولا اراسى الشاقتاماسا دەيمىز. ەكى حالىقتىڭ تاتۋلىقتا ءومىر سۇرگەنىن قالايمىز. فلەشموبتى «تاتۋلىق» دەپ اتاۋعا بولادى.