نۇرسۇلتان نازاربايەۆ رەسەي فەدەراسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
مەملەكەتتەر باسشىلارى اڭگىمە بارىسىندا بيىلعى 30-31 قازاندا استانادا سيريا ماسەلەسى بويىنشا وتكەن حالىقارالىق كەزدەسۋدىڭ كەزەكتى راۋندىنىڭ قورىتىندىلارىن تالقىلادى. تاراپتار سيرياداعى جاعدايدى تولىعىمەن رەتتەۋ ءۇشىن استانا پروسەسىن ءارى قاراي جالعاستىرۋدىڭ ماڭىزدىلىعىن ەرەكشا اتاپ ءوتتى.
پرەزيدەنتتەر سونداي-اق قازاقستان مەن رەسەيدىڭ ءحىV ءوڭىرارالىق ىنتىماقتاستىق فورۋمىنا دايىندىق بارىسىن قاراستىردى. فورۋم بيىلعى 9 قاراشادا چەليابينسك قالاسىندا وتەدى.
بۇدان بولەك، ەكى ەلدىڭ كوشباسشىلارى ەكىجاقتى قارىم-قاتىناستاردىڭ جانە حالىقارالىق كۇن ءتارتىبىنىڭ وزەكتى ماسەلەلەرىنە نازار اۋداردى.
