«قازاقستان»  رترك اق-نىڭ دەلەگاسياسى باسقارما ءتوراعاسى ەرلان ءقاريننىڭ باسقارۋىمەن  سىچۋان پروۆينسياسىنىڭ چەنگدۋ قالاسىندا (قحر) ءوتىپ جاتقان ازيا-تىنىق مۇحيتتىق  حابار تاراتۋ (Asia-Pasific Broadcasting Union) باس اسسامبلەياسىنىڭ 54 وتىرىسىنا قاتىسۋدا دەپ جازادى Qamshy.kz اقپارات اگەنتتىگى. 

شاراعا ازيانىڭ سسTV، NHK، CBS جانە ت.ب. ءىرى تەلەارنالارىنىڭ باسشىلارى  دا كەلگەن.    باس اسسامبلەيانىڭ وتىرىسىندا اعىمداعى جىلدىڭ قورىتىندىلارى مەن  كەلەشەكتەگى جۇمىس كەزەڭدەرى قاراستىرىلدى. سەسسيا اياسىندا سپورتتىق مەديا، باعدارلامالىق شەشىمدەر، جاڭا مەديارەسۋرستار جانە وزگە دە جۇمىس كوميتەتتەرىنىڭ جەكەلەگەن باعىتتارىنا ارنالعان جيىنى وتەدى.

باس اسسامبلەيانىڭ وتىرىسى قارساڭىندا 2 قاراشا كۇنى «قازاقستان»  تەلەراديوكورپوراسياسىنىڭ وسى ۇيىمعا مۇشەلىككە وتكەندىگى جايىندا اكىمشىلىك كەڭەسىنىڭ جيىنىندا حابارلانعان بولاتىن.

ABU وتىرىسىنىڭ اياسىندا «قازاقستان»  تەلەراديوكورپوراسياسىنىڭ دەلەگاسياسى شەتەلدىك تەلەارنالارداعى ارىپتەستەرىمەن جانە سەرىكتەستەرىمەن كەزدەستى. 

اتاپ ايتقاندا، «قازاقستان»  تەلەراديوكورپوراسياسى ماۋسىم ايىندا  ءوزارا ىنتىماقتاستىق جايلى مەموراندۋمعا قول قويعان سسTV ارناسىنىڭ باسشىلىعىمەن كەزدەسىپ، بىرلەسكەن جوبالاردىڭ جۇمىس بارىسىن تالقىعا سالدى.

سونداي-اق، وزبەكستاننىڭ ۇلتتىق تەلەراديوكومپانياسى  (نترك)  مەن «كازاقستان» تەلەراديوكورپوراسياسى اراسىندا ەكىجاقتى ىنتىماقتاستىق ورناتۋ جونىندە  كەلىسسوزدەر ءوتتى.

ەسكە سالا كەتەيىك، 2017 جىلدىڭ قىركۇيەك ايىندا  «قازاقستان»  تەلەراديوكورپوراسياسى ازيا -  تىنىق مۇحيتى ايماعى ەلدەرىنىڭ حابار تاراتۋ وداعىنا كىرگەن بولاتىن. Asia-Pasific Broadcasting Union (ABU)  قاۋىمداستىعى 1964 جىلى قۇرىلعان. اBU وداعىنىڭ قۇرامىندا  69 مەملەكەتتەن 272 تەلەراديوكومپانيا بار.