اقش پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن كەزدەسۋدى جوسپارلاپ وتىرعانىن مالىمدەدى، دەپ حابارلايدى Qamshy.kz اقپارات اگەنتتىگى.  

الداعى كەزدەسۋدە تالقىلاناتىن ماسەلەلەردىڭ ءبىرى –ۋكرايناداعى جاعداي. ەكى ەلدىڭ پرەزيدەنتتەرى  6-11 قاراشا ارالىعىندا ۆەتنامنىڭ دانانگ قالاسىندا وتەتىن ازيا-تىنىق مۇحيتى ەكونوميكالىق ىنتىماقتاستىعى سامميتىندە كەزدەسۋلەرى مۇمكىن.

«ءبىز پۋتينمەن كەزدەسۋ وتكىزدىك. جانە تاعى كەزدەسۋىمىز مۇمكىن. پۋتين ءبىز ءۇشىن وتە ماڭىزدى. ويتكەنى، ولار بىزگە سولتۇستىك كورەيا جانە سيريامەن اراداعى  قارىم-قاتىناستىڭ شەشىلۋىنە كومەكتەسەدى. ءارى ۋكراينا تۋرالى دا سويلەسۋىمىز كەرەك»، - دەدى دونالد ترامپ.
الداعى ۋاقىتقا ترامپتىڭ ون كۇندىك ساپارى جوسپارلانعان. ول جاپونيا، وڭتۇستىك كورەيا، جۇڭگو، ۆەتنام جانە فيليپپين ەلدەرىنە  ىس-ساپارمەن بارادى.